ტრამპის საპასუხოდ სადაც მან ნორვეგიას საპირფარეშო უწოდა, ქვეყნის ტურიზმის სააგენტომ დიდებული არქიტექტურის ტუალეტები აჩვენა

2026-10-31 22:29:18, 677 ნახვა

სხვადასხვა

ნორვეგიის ტურიზმის ეროვნულმა სააგენტომ (Visit Norway) აშშ-ის პრეზიდენტ დონალდ ტრამპის კრიტიკას იუმორისტული კამპანიით უპასუხა და ქვეყნის საზოგადოებრივი ტუალეტების განსაცვიფრებელი არქიტექტურა წარმოაჩინა.

The Guardian-ის, AP-ის და სხვა საერთაშორისო მედიასაშუალებების ინფორმაციით, მიჩიგანის წინასაარჩევნო მიტინგზე სიტყვით გამოსვლისას, ტრამპმა ნორვეგიას ნობელის მშვიდობის პრემიის ვერმიღების გამო "საპირფარეშო ქვეყანა" (shithouse country) უწოდა. საპასუხოდ, ნორვეგიის ტურიზმის ბორდმა გამოაქვეყნა სპეციალური ფოტოკრებული სათაურით: „არის ეს მსოფლიოში საუკეთესო საპირფარეშოები?“, ხოლო ტრამპის ცნობილი სლოგანის პერიფრაზირებით უპასუხა: „ნორვეგია საპირფარეშოებს კვლავ დიდებულს ხდის!“ (Norway makes shithouses great again!)

ნორვეგიის 18 ეროვნულ ტურისტულ მარშრუტზე განთავსებული საზოგადოებრივი ტუალეტები ცნობილი არქიტექტურული სტუდიების მიერაა შექმნილი და ბუნებასთან სრულ ჰარმონიაშია შერწყმული.

აი, ნორვეგიის ყველაზე ცნობილი არქიტექტურული ტუალეტები, რომლებიც ამ კამპანიის ფარგლებში მოხვდა ყურადღების ცენტრში:

Ureddplassen (ჰელგელანდის სანაპირო): ტალღისებრი ფორმის საპირფარეშო, რომელიც დამზადებულია ვარდისფერი მარმარილოსა და მინისგან. ის ხშირად მოიხსენიება როგორც „მსოფლიოში ყველაზე ლამაზი ტუალეტი“ და გადაჰყურებს ღია ზღვასა და ჩრდილოეთის ციალს.

ოქროს ტუალეტი (კუნძული სენია): გარედან ოქროსფერი პანელებით მოპირკეთებული სამკუთხა ფორმის თანამედროვე ნაგებობა, რომელიც პირდაპირ პლაჟზე მდებარეობს.
Utsikten (გაულარფჯელეტი): მოდერნისტული სტილის საპირფარეშო, რომელიც მზის ენერგიაზე მუშაობს და მთის ხეობის პანორამულ ხედებს შლის.
Stegastein (სოგნეფსიორდი): ფიორდის თავზე, ერთ-ერთ ყველაზე პოპულარულ გადასახედზე აშენებული მინიმალისტური ხის სტრუქტურა.
Tungeneset: ტუალეტი, საიდანაც იშლება ხედი კლდოვან სანაპიროზე და განსაკუთრებით შთამბეჭდავად გამოიყურება ავრორას ფონზე.