CNN Turk-ის ცნობით, თურქმა სამართალდამცავებმა 85 ადამიანი დააკავეს, მათ შორის 30 არასრულწლოვანი, რომლებიც გამომძიებლების აზრით, ორგანიზებული დანაშაულებრივი ჯგუფის „დალტონების“ წევრები არიან. Spiegel-ის წყაროების ცნობით, ეს ბანდა, რომელიც ევროპაში ერთ-ერთ ყველაზე ძლიერ ორგანიზებულ დანაშაულებრივ ჯგუფად ითვლება, შესაძლოა, პოლონეთში Starlink-ის სატელიტური კომუნიკაციების სახმელეთო სადგურზე ცეცხლის წაკიდების თავდასხმაში იყოს ჩართული, რომელიც რუსეთის სადაზვერვო სააგენტოების დაკვეთით მოხდა.

ოპერაცია ერთდროულად ქვეყნის 30 პროვინციაში, მათ შორის სტამბოლში ჩატარდა. ჯგუფის წევრები ეჭვმიტანილები არიან მკვლელების დაქირავებაში, რომლებიც კოორდინირებულნი იყვნენ დახურული შეტყობინებების ჩატების საშუალებით.

კრიმინალების კოორდინაციის მთავარი არხი იყო WhatsApp-ის საერთო ჩატი სახელწოდებით „დალტონების ძმები“ (Dalton Kardeşler). თურქეთის იუსტიციის მინისტრის, აკინ გიურლეკის თქმით, „დალტონების“ საქმეზე სულ 87 ადამიანი დააკავეს. მისი თქმით, კიდევ 13 ეჭვმიტანილის ძებნა გრძელდება. დაჯგუფების ლიდერია ბერატჯან გიოქდემირი, რომელიც რუსეთში 2024 წელს დააკავეს. გერმანიის უსაფრთხოების სააგენტოების ცნობით, მოსკოვმა, ანკარის ექსტრადიციის მოთხოვნის მიუხედავად, მას მოქმედების თავისუფლება და დაცვა მისცა, სავარაუდოდ, შეღავათების სანაცვლოდ. გიოქდემირი საერთაშორისო მოთხოვნით ინტერპოლის უმაღლესი „წითელი ცირკულარით“ იძებნება.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ზარქუა ოპოზიციის ელჩებთან შეხვედრაზე - აგენტურა საკუთარ პატრონებთან ახალი რჩევების მისაღებად მიდის

ყოფილ მაღალჩინოსანთან დაკავშირებულმა კომპანიამ ტენდერები უკონკურენტოდ მოიგო

საია: ვიწროვდება პოლიტიკური გაერთიანებისა და არჩევნებში მონაწილეობის შესაძლებლობები

ბერა ივანიშვილის ადვოკატმა "ფორმულას" და "ტვ პირველის" წინააღმდეგ სასამართლოში სარჩელი შეიტანა