ოპოზიცია დასავლეთის ქვეყნების ელჩებს შეხვდნენ

2026-10-20 13:32:01, 294 ნახვა

პოლიტიკა

ოპოზიციონერი ლიდერები დიდი ბრიტანეთის, გერმანიისა და საფრანგეთის ელჩებს შეხვდნენ. შეხვედრა ბრიტანეთის საელჩოში გაიმართა და მას „კოალიცია ცვლილებისთვის" ლიდერი ნიკა გვარამია, ენმ-ის ერთ-ერთი ლიდერი ირაკლი ფავლენიშვილი, „ფედერალისტების" ლიდერი გიგა ბოკერია,„ლელო - ძლიერი საქართველოს" ლიდერი ბადრი ჯაფარიძე და გიორგი გახარიას პარტიის წარმომადგენელი ანა ბუჩუკური ესწრებოდნენ.

შეხვედრიდან გამოსულ ოპოზიციის ლიდერებს დეტალებზე არ უსაუბრიათ, თუმცა განაცხადეს, რომ საუბარი შეეხო ქვეყანაში მიმდინარე პროცესებს.

ევროპის არქიტექტურის უსაფრთხოებასთან ეთხრება ძირი, მარტო საქართველოს და რეგიონის პრობლემა არ გახლავთ, ეს გახლავთ მთლიანად ევროპის პრობლემა, იმიტომ, რომ ევროპა არის ლისაბონიდან თბილისამდე, ამიტომაც თბილისში ეს პროცესი, დემოკრატიის და სახელმწიოებრიობის განადგურება არის ევროპის უსაფრთხოების საკითხი.

ეს არ გახლავთ მხოლოდ პოლიტიკოსების აკრძალვა, ეს გახლავთ დემოკრატიული პროცესის საბოლოო განადგურება, წერტილის დასმა ყველა იმ პოლიტიკური ორგანიზაციისთვის, რომელიც იქნება რეალურად ანტისაოკუპაციო ხასიათის მატარებელი.

ჩვენი ბუნებრივი მოკავშირეებისგან, რა თქმა უნდა, მნიშნელოვანია ყველა ტიპის მხარდაჭერა, რაშიც არ უნდა იყოს გამოხატული და ჩვენ, რა თქმა უნდა, ზოგადად, უნდა გვქონდეს ურთიერთობა ჩვენს ბუნებრივ მოკავშირეებთან მაშინ, როდესაც ივანიშვილის რეჟიმი მათ ებრძის, - თქვა ირაკლი ფავლენიშვილმა შეხვედრაზე შესვლამდე.