ირანი ქმნის კონტინენტთაშორის ბალისტიკურ რაკეტებს, რომლებსაც შეუძლიათ შეერთებულ შტატებამდე მიღწევა და აპირებს მათი აღჭურვას ბირთვული ქობინებით. ამის შესახებ ისრაელის პრემიერ-მინისტრმა ბენიამინ ნეთანიაჰუმ ამერიკულ ტელეარხ Fox News-თან ინტერვიუში განაცხადა.

„ირანელები ქმნიან კონტინენტთაშორის ბალისტიკურ რაკეტებს შეერთებულ შტატებამდე მისასვლელად და მათ სურთ ამ რაკეტების აღჭურვა ბირთვული ქობინებით. შეერთებული შტატების ყველა ქალაქი მძევლად იქნება აყვანილი“, - განაცხადა ნეთანიაჰუმ.

მისი თქმით, ირანის სარაკეტო პროგრამა საფრთხეს უქმნის არა მხოლოდ ისრაელს, არამედ შეერთებულ შტატებსაც.

ისრაელის პრემიერ-მინისტრი აცხადებს, რომ თეირანი ცდილობს მოიპოვოს შესაძლებლობა, რომ ამერიკული ქალაქები ბირთვული იარაღით დაემუქროს და ეს საფრთხე გამოიყენოს ვაშინგტონზე ზეწოლისთვის.

ნეთანიაჰუმ ასევე განაცხადა, რომ „ამ საფრთხესთან გამკლავების ერთადერთი გზა“ არის „ირანის ამჟამინდელი რეჟიმის გადაყენება“.

თეირანი უარყოფს ბირთვული იარაღის შემუშავების ნებისმიერ განზრახვას და ამტკიცებს, რომ მისი ბირთვული პროგრამა მშვიდობიანია.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ტრამპმა ევროპას შესთავაზა, რუსული გაზის შესყიდვას დაუბრუნდეს

ფრანსუა ოლანდმა საფრანგეთის ხელისუფლებას მოუწოდა, ახალგაზრდებთან და პროფკავშირებთან მოლაპარაკებები დაიწყოს

ჩხუბისას თბილისში ორი პირი დაჭრეს- პოლიციამ სამი პირი დააკავა

ნეთანიაჰუ: ირანი კონტინენტთაშორის ბალისტიკურ რაკეტებს ავითარებს, რომლებსაც აშშ-მდე მიღწევა შეუძლიათ