ბულგარეთის გაბროვოს რეგიონში, EMCO-ს იარაღის ქარხანაში, საბრძოლო მასალის საწყობში ხანძარი, რასაც აფეთქებების სერია მოჰყვა, იტყობინება NOVA კომპანიის მენეჯმენტსა და ადგილობრივ ხელისუფლებაზე დაყრდნობით. ხანძარი მეზობელ ობიექტებზეც გავრცელდა - ტრიავნასა და ცარევა ლივადას შორის, სოფელ გორნი ვარპიშტასთან ახლოს, 11 საწყობი მდებარეობს. არავინ დაშავებულა. ეს EMCO-ს ობიექტებში დაახლოებით ერთი თვის განმავლობაში მეორე მსგავსი ინციდენტია.

გაბროვოს ოლქის გუბერნატორმა კრისტინა სიდოროვამ აფეთქებების შესახებ დაადასტურა. ტერიტორია ამჟამად ალყაშია შემოღობილი შემდგომი აფეთქებების საფრთხის გამო. ხანძარს სამი სამაშველო ჯგუფი აკვირდება და ტერიტორიის დასათვალიერებლად დრონი გამოიყენება. EMCO-ს ობიექტში წინა საგანგებო შემთხვევა 10 აგვისტოს მოხდა. აფეთქებების სერია კომპანიის ერთ-ერთ ობიექტში სატვირთო მანქანის ხანძარმა გამოიწვია. ხანძარი ქარხნის ტერიტორიაზე და ახლომდებარე ტყეში გავრცელდა. დაახლოებით 300 მუშა ევაკუირებულია.

EMCO ბულგარული კერძო თავდაცვითი კომპანიაა, რომელიც 1992 წელს დაარსდა. ის აწარმოებს და ყიდის იარაღსა და საბრძოლო მასალას, რომლის ობიექტებიც სოფიაში, მონტანასა და ტრიავნაში მდებარეობს. ტრიავნას ქარხანაში კომპანია აწარმოებს, არემონტებს და ახდენს არტილერიისა და ტანკის საბრძოლო მასალის მოდერნიზებას 100 მმ-დან 152 მმ-მდე კალიბრის ჩათვლით.

EMCO ბულგარელი იარაღის დილერისა და მწარმოებელი ემილიან გებრევის საკუთრებაა. 2021 წელს მან განაცხადა, რომ მისი კომპანია უკრაინას სამხედრო აღჭურვილობით 2014 წლიდან ამარაგებდა. ერთმა მოქმედმა და ერთმა ყოფილმა უკრაინელმა ჩინოვნიკმა The New York Times-ს განუცხადა, რომ EMCO-მ 2014 წელს ხელი მოაწერა კონტრაქტს უკრაინისთვის არტილერიის საბრძოლო მასალის მიწოდების შესახებ.

ბულგარეთი აგრძელებს საბჭოთა სტილის საბრძოლო მასალის წარმოებას. ბულგარეთის ხელისუფლების ცნობით, ქვეყანა რუსეთის წინააღმდეგ ომში უკრაინის სამხედროების მიერ გამოყენებული ვაზნებისა და ჭურვების მესამედს აწარმოებს. წარმოების მნიშვნელოვანი ნაწილი იმ ქვეყნებს მიეწოდება, რომლებმაც ადრე უკრაინას საკუთარი მარაგი შესწირეს. „ჩვენი წარმოების ნახევარზე მეტი პირდაპირ ან ირიბად უკრაინაში მიდის“, - განუცხადა ბულგარეთის თავდაცვის მინისტრმა ტოდორ ტაგარევმა Financial Times-ს. ამ მიწოდებების მნიშვნელოვან წილს EMCO შეადგენს.

ბულგარეთის ხელისუფლებამ ადრე გამოიძია რუსეთის სადაზვერვო სააგენტოების შესაძლო მონაწილეობა საბრძოლო მასალის საწყობებში აფეთქებებში. 2011 წელს აფეთქება მოხდა ლოვნიდოლის საწყობში, 2015 წელს იგანოვოს საწყობებში და 2020 წელს მგლიჟის ობიექტში. 2021 წელს პროკურატურამ ეჭვები გამოაცხადა რუსეთის ექვსი მოქალაქის წინააღმდეგ. 2022 წლის 31 ივლისს და 2023 წლის 25 ივნისს აფეთქებები მოხდა კარნობატის მახლობლად EMCO-ს საწყობებში.

გებრევის თქმით, 2015 წელს ის ორჯერ მოწამლეს ნერვული აგენტის, „ნოვიჩოკის“ მსგავსი ნივთიერებით. ბიზნესმენმა მოწამვლა რუსეთის სადაზვერვო სააგენტოების საქმიანობას დაუკავშირა.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ბარამიძე სასამართლოზე- ვიზიარებ, რომ სიტყვა ხვრეტდნენ იწვევს ასოციაციას და არ უნდა მეთქვა

საფრანგეთში სამგზავრო მატარებელი უცხო ობიექტთან შეჯახების შემდეგ ლიანდაგიდან გადავიდა- ხელისუფლება დივერსიას ეჭვობს

ბულგარეთში უკრაინისთვის იარაღის ამარაგებელ საწყობში ბოლო ერთი თვის განმავლობაში მეორედ აფეთქება მოხდა

ლაიფციგის აეროპორტის დივერსიაში ერთ-ერთი ეჭვმიტანილი რუსეთის დაზვერვასთან იყო დაკავშირებული