მოსკოვში საიდუმლო ვიზიტის დროს, ცენტრალური სადაზვერვო სააგენტოს დირექტორმა ჯონ რეტკლიფმა, სავარაუდოდ, შესთავაზა სამმხრივი შეხვედრა აშშ-სა და უკრაინის პრეზიდენტებს, დონალდ ტრამპსა და ვოლოდიმირ ზელენსკის, ასევე კრემლის ლიდერ ვლადიმერ პუტინს შორის.

ამის შესახებ Axios-მა ინფორმირებული წყაროების დაყრდნობით განაცხადა.

წყაროების თანახმად, რეტკლიფის ვიზიტი ნაწილობრივ მიზნად ისახავდა იმის დადგენას, შეძლებდნენ თუ არა რუსეთის სადაზვერვო სააგენტოების ხელმძღვანელები პუტინის დარწმუნებას, გადადგას ნაბიჯი აშშ-ს შუამავლობით ომის დასრულების მიზნით მოლაპარაკებების განახლებისთვის.

პარასკევს, 28 აგვისტოს, აშშ-ის ოფიციალურმა პირებმა, როგორც ამბობენ, ზელენსკის მიაწოდეს ინფორმაცია რეტკლიფის მოსკოვში გამართული მოლაპარაკებებისა და სამმხრივი შეხვედრის წინადადების შესახებ.

წყაროების თანახმად, ოფიციალურმა პირებმა ზელენსკის აცნობეს, რომ რეტკლიფმა ასევე განიხილა მოსკოვში სამშვიდობო მოლაპარაკებების განახლების შესაძლებლობა.

28 აგვისტოს ზელენსკიმ მადლობა გადაუხადა აშშ-ის მხარეს რუსეთთან საუბრის აუცილებელი „ტონისთვის“. რეტკლიფის ვიზიტის შემდეგ, აშშ-ის პრეზიდენტმა დონალდ ტრამპმა იმედი გამოთქვა, რომ „შესაძლოა, რაღაც გამოვიდეს ამერიკელი ცენტრალური სადაზვერვო სააგენტოს დირექტორის მოსკოვში ვიზიტიდან“.

მედია საშუალებები იუწყებიან, რომ მოსკოვში საიდუმლო ვიზიტის დროს რეტკლიფმა, სავარაუდოდ, გააზიარა თავისი პესიმისტური შეფასება რუსეთის მიერ უკრაინის წინააღმდეგ ომის მიმდინარეობის შესახებ და მოუწოდა რუსებს, მიაღწიონ შეთანხმებას, სანამ მათი სამხედრო და ეკონომიკური მდგომარეობა გაუარესდება.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

მაკრონმა აღიარა, რომ მომავალში საფრანგეთის პრეზიდენტად დაბრუნებას გეგმავს

უკრაინამ დონბასში რუსული არმიის წინააღმდეგ საბრძოლო რობოტები პირველად გამოიყენა

კობახიძე – მაინც ყოველდღიურად იკრიბებიან ხან 20, ხან 50, ხან 150 კაცით, სექტის სახე ნამდვილად შეიძინა ამ დაჯგუფებამ

ივანიშვილის პაპუაშვილი ოპოზიციურად განწყობილ ხალხს სექტას უწოდებს