აშშ-ის სახელმწიფო მდივანმა მარკო რუბიომ განაცხადა, რომ აშშ-ის ხელისუფლებამ უცხო ქვეყნის მოქალაქეებისთვის ერთ თვეში 600-ზე მეტი ვიზა გააუქმა, ე.წ. „დაბადების ტურიზმის“ წინააღმდეგ ბრძოლის ფარგლებში.

სოციალურ მედია პლატფორმა X-ზე გამოქვეყნებულ განცხადებაში რუბიომ ასეთი სქემების ორგანიზატორები აშშ-ის იმიგრაციის კანონების ბოროტად გამოყენებაში დაადანაშაულა და განაცხადა მთავრობის განზრახვის შესახებ, სრულად შეაჩეროს ეს პრაქტიკა.

„ამერიკის მოქალაქეობა არ იყიდება. თუმცა, ფართომასშტაბიანი დაბადების ტურიზმის ქსელები აშშ-ის კანონების ექსპლუატაციით სარგებლობენ უცხო ქვეყნის მოქალაქეების აშშ-ის ვიზების სისტემის მოტყუების მიზნით გადამზადებით, მოგზაურობისა და განთავსების ორგანიზებით და დოკუმენტების გაყალბებითაც კი - ყველაფერი იმისთვის, რომ მათ შვილებს მოქალაქეობა მიიღონ“, - წერს რუბიო.

მისი თქმით, სახელმწიფო დეპარტამენტმა შექმნა დაბადების ტურიზმის პრევენციის სპეციალური სამუშაო ჯგუფი, რომელიც ვიზის მფლობელთა საქმიანობას იძიებს, უკანონო ქსელების დემონტაჟს და აშშ-ის კანონმდებლობის ბოროტად გამოყენების დასრულებას ისახავს მიზნად.

„მხოლოდ ერთ თვეში დაბადების ტურიზმის პრევენციის სამუშაო ჯგუფმა მთელი მსოფლიოს მასშტაბით უცხო ქვეყნის მოქალაქეებისთვის 600-ზე მეტი ვიზა გააუქმა“, - განაცხადა სახელმწიფო მდივანმა.

რუბიომ ხაზგასმით აღნიშნა, რომ სახელმწიფო დეპარტამენტი აპირებს გამოიყენოს „ყველა არსებული ინსტრუმენტი“ შობადობის ტურიზმის ქსელების დასაშლელად და ამერიკული მოქალაქეობის პრინციპების დასაცავად.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა