ომსკში გამართულ ყაზახეთ-რუსეთის რეგიონთაშორისი თანამშრომლობის 22-ე ფორუმზე ყაზახეთის პრეზიდენტმა კასიმ-ჟომარტ ტოკაევმა ვლადიმერ პუტინს მოუწოდა, შეეწყვიტა ომი უკრაინაში და დაბრუნებულიყო მოლაპარაკებებში.

„ალბათ დროა, გავყინოთ კონფლიქტი და დავუბრუნდეთ სტამბოლის შეთანხმებებს 2.0. ბუნებრივია, დიდი ძალების, მათ შორის რუსეთის გარანტიებით, შეგვიძლია გავაგრძელოთ დიდი ხნის ნანატრი მშვიდობისკენ სვლა“, - თქვა ტოკაევმა (ციტირებულია „ინტერფაქსის“ მიერ).

ყაზახეთის პრეზიდენტის თქმით, ის „ევროპისა და შეერთებული შტატებისგან ბევრ სიგნალს იღებს რუსეთსა და უკრაინას შორის კონფლიქტთან დაკავშირებით“ და მან გადაწყვიტა ეს პოზიცია გამოეთქვა, რადგან „ხალხმა იცოდა“ პუტინთან მისი შეხვედრის შესახებ და „მთხოვა, გადმომეცა“ ეს წინადადებები.

ტოკაევმა დასძინა, რომ „ამ კონფლიქტის ბუნება ბევრისთვის გაუგებარია, მათ შორის ჩვენთვისაც“ და სინანული გამოთქვა ომში დაღუპული ადამიანების გამო. „სამწუხაროა, ახალგაზრდები იღუპებიან; ისინი მოძმე ხალხების გენოფონდია - რუსეთი და უკრაინა... ეს ყველაფერი უნდა შეწყდეს“. „რადგან ის, რაც ხდება, ჩემი მტკიცე აზრით, როგორც რუსეთის, ასევე უკრაინის სახელმწიფოს ხელსაყრელ და სასიხარულო საქმეს წარმოადგენს“, - განაცხადა პრეზიდენტმა და აღნიშნა, რომ ყაზახეთი „ყოველთვის პატივისცემით ეპყრობოდა უკრაინას“ და „ყოველთვის მიიჩნევდა და კვლავაც მიიჩნევს რუსეთს დიდ სახელმწიფოდ“.

პასუხად, პუტინმა პირობა დადო, რომ ტოკაევს „უკრაინის ფრონტზე მოვლენების მიმდინარეობის“ შესახებ აცნობებდა. „რაც შეეხება უკრაინის ფრონტს, დღევანდელი საუბრის დროს აუცილებლად დეტალურად მოგაწვდით ინფორმაციას“, - თქვა მან.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა