თურქეთის მიერ რუსეთისგან შეძენილი S-400 ტიპის საზენიტო-სარაკეტო სისტემები სპარსეთის ყურის ერთ-ერთ ქვეყანას მიჰყიდეს. ეს განცხადება თურქეთის პროსამთავრობო გაზეთმა „ჰურიეთმა“ გააკეთა.

„ჩემი ინფორმაციით, S-400-ები მესამე ქვეყანას მიჰყიდეს. გარიგების შესახებ დღეს გამოცხადდება. S-400-ები სპარსეთის ყურის ერთ-ერთ ქვეყანაში იგზავნება. გუშინ მიმდინარეობდა სამუშაოები ზოგიერთი საკითხის მოსაგვარებლად და, როგორც იტყობინებიან, ისინი შუაღამემდე მოგვარდა. ზოგი ამბობს, რომ ეს არაბთა გაერთიანებული საამიროებია, ზოგი კი კატარი; უმჯობესია, ოფიციალურ განცხადებას დაველოდოთ“, - წერს გაზეთის მიმომხილველი აბდულკადირ სელვი.

თურქეთის ხელისუფლებას ჯერ არ გაუკეთებია კომენტარი ამ პუბლიკაციაზე.

ერთი დღით ადრე, იმავე გაზეთმა გაავრცელა ინფორმაცია, რომ ანკარა ეძებდა სამართლებრივ გადაწყვეტას, რომელიც დააკმაყოფილებდა აშშ-ს, რაც მას საშუალებას მისცემდა, მოეხსნა CAATSA-ს სანქციები და დაბრუნებულიყო F-35-ის ახალი თაობის გამანადგურებელი თვითმფრინავების წარმოების პროგრამაზე. საჰაერო თავდაცვის სისტემის სპარსეთის ყურის ერთ-ერთი ქვეყნისთვის მიყიდვის საკითხი განხილვის პროცესში იყო. თავის მხრივ, Oksijen-მა არაბთა გაერთიანებული საამიროები S-400-ის სავარაუდო მყიდველად დაასახელა.

ავტორი: ექსპრესნიუსი,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!