აშშ-ის პრეზიდენტმა დონალდ ტრამპმა განაცხადა, რომ 6 ივლისს რუსეთის ლიდერთან კიდევ ერთი საუბარი ჰქონდა და შემდეგ უკრაინის პრეზიდენტს ესაუბრა - რაც არცერთ მხარეს აქამდე არ გაუვრცელებია ინფორმაცია.

„ევროპული პრავდას“ ცნობით, მან ეს განცხადება თურქეთის პრეზიდენტ რეჯეფ ტაიპ ერდოღანთან შეხვედრის საჯარო ნაწილში გააკეთა.

მედიის კითხვა-პასუხის სესიის დროს ტრამპს რუსეთ-უკრაინის ომის დასრულების პერსპექტივებსა და სამიტის ფარგლებში ზელენსკისთან მოსალოდნელ შეხვედრაზე ჰკითხეს.

„ძალიან კარგი საუბარი მქონდა პრეზიდენტ პუტინთან - რომელიც, სხვათა შორის, დიდ პატივს სცემს პრეზიდენტ ერდოღანს. გუშინ ხანგრძლივი საუბარი გვქონდა, დიდხანს გაგრძელდა. ასევე, ამის შემდეგ დაუყოვნებლივ ვესაუბრე პრეზიდენტ ზელენსკის. ვფიქრობ, ორივეს შეთანხმება სურს. სამწუხაროა, რომ ამდენ ხანს გაგრძელდა, მაგრამ ვფიქრობ, რომ რაღაც გამოვა - და პრეზიდენტი (სავარაუდოდ, ტრამპი ერდოღანს გულისხმობდა) ამაშიც გვეხმარება“, - თქვა ტრამპმა.

მან, როგორც ყოველთვის, გაიხსენა, რომ მან „რვა ომი დაასრულა“ და წარმატების შანსს ხედავს, თუმცა ეს შეიძლება ნაკლებად სავარაუდო ჩანდეს.

„მე ძალიან კარგი საუბარი მქონდა პრეზიდენტ პუტინთან, ძალიან კარგი საუბარი მქონდა... ვიტყოდი, რომ აქ კომბინაციაა. ბევრჯერ, პუტინთან ყველაფერი კარგად მიდიოდა და ზელენსკი პრობლემას წარმოადგენდა, ან პირიქით, ზელენსკისთან, ყველაფერი კარგადაა და პუტინი... ახლა ორივეს სურს შეთანხმება. მე მთელი ცხოვრება გარიგებებს ვდებდი, გარიგებებში კარგი ვარ. და ვფიქრობ, რომ ამას მოვაგვარებთ, იმედია მალე“, - თქვა აშშ-ის პრეზიდენტმა.

არც მოსკოვმა და არც კიევმა ჯერ არ გაავრცელეს ინფორმაცია ლიდერების ტრამპთან 6 ივლისს გამართული საუბრის შესახებ.

ადრე, დონალდ ტრამპმა კრემლის ლიდერთან ტელეფონით ისაუბრა 4 ივლისს, აშშ-ის დამოუკიდებლობის დღის წინა დღეს და მას შემდეგ მსგავსი განცხადებები გააკეთა, მათ შორის, რომ „პუტინს ომის დასრულება სურს“.

ავტორი: ექსპრესნიუსი,

სოციალური ქსელები

ISW: პუტინმა ომის დაწყებიდან დონბასის აღების ბოლო ვადა 15-ჯერ გადადო

უკრაინამ, შეერთებულ შტატებთან და ევროპასთან ერთად, რუსეთთან ომის დასრულების ახალი გეგმა შეიმუშავა

ინაშვილი - ღარიბაშვილს მეგობრულად ვურჩევ: რაც სათქმელია, თქვას ბოლომდე

სნოს სკოლის სადაც პატრიარქი ილია მეორე სწავლობდა დემონტაჟის საბოლოო გადაწყვეტილება მიღებული არ არის