ჯანდაცვის მინისტრის, კარლოს ალვარადოს თქმით, ვენესუელაში მიწისძვრების სერიის შედეგად დაღუპულთა რიცხვი კვლავ იზრდება.

„დღეს საღამოს 7 საათის მონაცემებით, ჩვენ უკვე ვუმკურნალეთ 4300-ზე მეტ დაზარალებულს. სამწუხაროდ, ჩვენ მივიღეთ დაახლოებით 235 პაციენტი, რომლებიც ჩვენს სამედიცინო დაწესებულებებში მისვლისას ან უსიცოცხლოდ დარჩნენ, ან გარდაცვლილები“, - განაცხადა ალვარადომ ვენესუელის ტელევიზიით.

მინისტრის თქმით, დაზარალებულთა უმეტესობას მსუბუქი დაზიანებები აღენიშნებოდა, თუმცა „არსებობს საშუალო და მძიმე შემთხვევებიც, რომელთაგან ბევრს ქირურგიული ჩარევა დასჭირდა“.

ადრე გავრცელებული ინფორმაციით, ვენესუელაში მიწისძვრების შედეგად სულ მცირე 188 ადამიანი დაიღუპა და 1520 დაშავდა.

7.2, 7.5 და 4.5 მაგნიტუდის მიწისძვრები ვენესუელაში ოთხშაბათ საღამოს და ხუთშაბათს დილით ადგილობრივი დროით მოხდა. ყველაზე მეტად ქვეყნის ჩრდილოეთით მდებარე ლა გუაირას შტატი დაზარალდა და კატასტროფის ზონად გამოცხადდა. ხელისუფლება სამაშველო ოპერაციებს ახორციელებს და ზარალის შეფასებას იწყებს.

ავტორი: ექსპრესნიუსი,

სოციალური ქსელები

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება

ელენე ხოშტარია - ვივამედის კლინიკიდან ვბრუნდები რუსთავის ციხეში - მკურნალობის პირველი ეტაპი დასრულებულია

პენიტენციური სამსახური უარყოფს რეჟიმის პატიმარ არჩილ მუსელიანცის ბრალდებებს

ევროკავშირის წარმომადგენლობა - ევროკავშირი მტკიცედ უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას