რუმინეთის პატრიარქმა დანიელმა მილოცვის წერილი გაუგზავნა საქართველოს ახალ პატრიარქს, შიო III-ს.

„ვლოცულობთ, რომ უფალმა ჩვენმა იესო ქრისტემ მოგანიჭოთ მრავალი სულიერი მიღწევა თქვენთვის მინიჭებულ ახალ მისიაში“, - გადმოსცა რუმინეთის პატრიარქმა.

ქვემოთ მოცემულია რუმინეთის პატრიარქ დანიელის მილოცვის წერილი:

თქვენო უნეტარესობავ,

ქრისტე აღსდგა!

ჩვენი უფლის იესო ქრისტეს დიდი სიხარულით, გვინდა მოგილოცოთ მცხეთა-თბილისის მთავარეპისკოპოსად, ბიჭვინთისა და ცხუმ-აფხაზეთის მიტროპოლიტად და სრულიად საქართველოს კათოლიკოს-პატრიარქად არჩევა. ამავდროულად, ვლოცულობთ, რომ უფალმა ჩვენმა იესო ქრისტემ მოგანიჭოთ მრავალი სულიერი მიღწევა თქვენთვის მინიჭებულ ახალ მისიაში.

წმინდა სინოდის წევრების, სასულიერო პირებისა და რუმინეთის მართლმადიდებელი ეკლესიის მორწმუნეების სახელით, გისურვებთ თქვენს უნეტარესობას მრავალ კურთხეულ წელს საქართველოს მართლმადიდებელი ხალხის სამსახურში და ღვთისგან შეწევნას თქვენს ყველა სამწყსო და მისიონერულ საქმიანობაში.

მრავალი და კურთხეული წელიწადი გელით!

მაღალი პატივისცემითა და ქრისტეში ძმური ჩახუტებით,

† დანიელი
რუმინეთის მართლმადიდებელი ეკლესიის პატრიარქი - ნათქვამია წერილში.

ავტორი: ექსპრესნიუსი,

სოციალური ქსელები

პოლიციამ მკვლელობის მომზადებისა და ე.წ ქურდული სამყაროს წევრობის ბრალდებით 3 პირი დააკავა, ხოლო ე.წ კანონიერ ქურდს ბრალი დაუსწრებლად წარედგინება

თიბისი ბათუმში ბრიტანული დღეების პარტნიორია

თეონა აქუბარდია - გაეროში კობახიძის გამოსვლა აჩვენებს, რომ საგარეო-პოლიტიკურ ენაში ევროინტეგრაცია და ოკუპაციის დასრულების დღის წესრიგი უკანა პლანზე გადადის

სუს-მა ტერორისტულ ორგანიზაცია ისლამურ სახელმწიფოში გაერთიანებისა და ტერორისტულ საქმიანობაში დახმარების ფაქტზე საქართველოს ორი მოქალაქე დააკავა