„ვისოლის“ გენერალური დირექტორი ვასილ ხორავა ამბობს, რომ არაკეთილსინდისიერი მოთამაშეების წინააღმდეგ რეგულირებაა საჭირო. არაკეთილსინდისიერები ხორავამ უწოდა წვრილმან კომპანიებს, რომლებიც საცალო ვაჭრობაში კონკურენციას უწევენ დიდ მოთამაშეებს. ხორავამ ამის შესახებ ფასების საპარლამენტო კომისიაზე განაცხადა.

როგორც ვასილ ხორავა აღნიშნავს, სექტორში კონკურენცია მაღალია.

"რამდენიმეჯერ დაგვიყენებია ინიციატივა და ალბათ, მომავალშიც დავაყენებთ, რომ რაღაც რეგულაციები მეტი მივიღოთ. ჩვენ ვხედავთ მოთამაშეებს, რომლებიც ბაზარზე შემოდიან არაკეთილსინდისიერად, მომხმარებლის მოტყუების ან სხვადასხვა ინსტრუმენტის საფუძველზე. თამაშის წესებს, რომლებიც მომხმარებლის უსაფრთხოებაზე, ხარისხის სტანდარტის დაცვაზეა, სჭირდება შესაბამისი კონტროლი. არ ვამბობთ, რომ რაღაც კვოტები იყოს. მეტი რეგულაცია რომ არსებობდეს, ხარისხის კონტროლის, შესაბამისი ინფრასტრუქტურის მოწესრიგების თვალსაზრისითაც, შეიძლება, ამხელა, ზღვარს ზემოთ კონკურენცია არ ყოფილიყო, მაგრამ ამ პირობებში ძალიან ნორმალურად და კარგად ვართმევთ თავს და მოხარული ვართ, რომ ბაზარი იზრდება, იხვეწება, ბაზრის მოთამაშეები მეტ ინვესტიციას აკეთებენ ინფრასტრუქტურაში",- თქვა ვასილ ხორავამ.

დღეს "ფასების საპარლამენტო კომისია" ნავთობკომპანიებს უსმენს.

შეგახსენებთ, კომისია საკანონმდებლო ორგანოში თებერვლის დასაწყისში, სამი თვის ვადით შეიქმნა. მის მიზნად ფასწარმოქმნის მექანიზმების შესწავლის შემდეგ სხვადასხვა პროდუქტზე ფასების დარეგულირებისთვის რეკომენდაციების მომზადება სახელდება. კომისია უკვე შეხვდა რითეილ სექტორის, სადისტრიბუციო და ფარმაცევტული კომპანიების წარმომადგენლებს, ასევე, მწარმოებლებს და ა.შ.

ავტორი: ექსპრესნიუსი,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!