სახელმწიფო აუდიტის სამსახურმა „საქართველოს ნავთობისა და გაზის კორპორაციის“ მიერ 2022-2023 წლებში განხორციელებული საფინანსო-ეკონომიკური საქმიანობის მოქმედ კანონმდებლობასთან შესაბამისობის აუდიტი ჩაატარა.

დოკუმენტის თანახმად, კორპორაციაში არ არის დანერგილი სისტემა, სადაც განსაზღვრული იქნებოდა თანამშრომელთა წახალისების კონკრეტული კრიტერიუმები. შედეგად, 2022-2023 წლებში ₾7 მილიონ ლარზე მეტი [7,184,584 ლარის] ოდენობით გაცემული პრემია არ არის სათანადოდ დასაბუთებული.

ამასთან გამოვლინდა, კორპორაციის მენეჯმენტის პრემირების წესის დამტკიცების ხარვეზები:

კერძოდ, კორპორაციის მენეჯმენტის პრემირება განხორციელებულია კანონმდებლობის მოთხოვნების დაუცველად, პარტნიორთან შეთანხმების გარეშე. კორპორაციის მენეჯმენტზე 2022 წელს გაცემულია 725,106 ლარის პრემია.

2023 წელს კორპორაციის მენეჯმენტის პრემირების წილის მმართველთან შეთანხმების საკითხი არ რეგულირდებოდა, აღნიშნულ პერიოდში გაცემულია 945,706 ლარი.

შტატგარეშე თანამშრომელთა მიერ შესრულებული სამუშაოების კონტროლის ნაკლოვანებები:

2022 წელს ─ 53, ხოლო 2023 წელს 64 შტატგარეშე თანამშრომელზე არ არის დადოკუმენტირებული და აღრიცხული შესრულებული სამუშაოები, რაცქმნის სახსრების არამართლზომიერი გამოყენების რისკებს.

თანამდებობრივი სარგოების განსაზღვრის ნაკლოვანებები:

დეპარტამენტებში ერთსა და იმავე პოზიციაზე დასაქმებულთანამშრომლებზე განსაზღვრული განსხვავებული სახელფასოგანაკვეთები, მაშინ როდესაც შესასრულებელი სამუშაო იდენტურია, ვერუზრუნველყოფს სახელფასო პოლიტიკის გამჭვირვალობას და ქმნის შრომის არასამართლიანი ანაზღაურების შესაძლებლობას.

„საქართველოს ნავთობისა და გაზის კორპორაციის" ხელმძღვანელი 2022 წლის ივნისიდან, 2025 წლის ივლისამდე გიორგი ჩიქოვანი იყო. გიორგი ჩიქოვანმა თანამდებობა "პირადი განცხადების საფუძველზე" დატოვა და ნავთობისა და გაზის კორპორაციის გენერალურ დირექტორად ეკატერინე სისაური დაინიშნა.

სრული ანგარიში იხილეთ მითითებულ ბმულზე: sao.ge 

ავტორი: ექსპრესნიუსი,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!