დარწმუნებული ვართ, რომ საგამოძიებო ჯგუფი სრულყოფილად იკვლევს ყველა შესაძლო მიმართულებას შესაბამისი პასუხისმგებელი პირების იდენტიფიცირების მიზნით.

ამის შესახებ საქართველო მთავარ პროკურატურაში საქართველოში აშშ-ის საელჩოს სამართლებრივმა ატაშემ, FBI-ის წარმომადგენელმა ქეთლინ კენინგმა განაცხადა. 

როგორც მან აღნიშნა, ფარულ ვიდეოკადრებთან დაკავშირებით გამოძიების ფედერალურ ბიუროს მიმართა საქართველოს მთავარმა პროკურატურამ ამ განსაკუთრებული მნიშვნელოვან საქმეში დახმარებების აღმოჩენის თხოვნით.

„მსგავსი ტიპის საქმეებში ჩვენი გამოცდილების გათვალისწინებით, გადავწყვიტეთ ტექნიკური და საგამოძიებო დახმარების აღმოჩენა პროკურორებისა და გამომძიებლებისთვის. დარწმუნებულები ვართ, რომ საგამოძიებო ჯგუფი სრულყოფილად იკვლევს ყველა შესაძლო მიმართულებას შესაბამისი პასუხისმგებელი პირების იდენტიფიცირების მიზნით.

მსგავსი ტიპის საქმეები, რომლებიც მოიცავენ კიბერ-კომპონენტებს და ატარებენ ტრანსნაციონალურ ხასიათს, არის განსაკუთრებით რთული გამოსაძიებლად. მოითხოვს საერთაშორისო თანამშრომლობას სხვადასხვა დონეზე და საჭიროებს დიდ დროს, შესაბამისი სამართლებრივი პროცედურების დასრულების თვალსაზრისით. ვიმედოვნებთ, რომ საქართველოს მთავარი პროკურატურა უწყვეტი თანამშრომლობის პირობებში, მოახდენს პასუხისმგებელი პირების იდენტიფიცირებას და მათი ადგილმდებარეობის მიუხედავად, წარადგენს მართლმსაჯულების წინაშე.

ფედერალური ბიუროს პოლიტიკის თანახმად, მიმდინარე გამოძიების ფარგლებში კომენტარს არ ვაკეთებთ. ამერიკაში დამკვიდრებული პრაქტიკით, პირებს, რომლებიც შესაძლოა ფლობდნენ რაიმე ინფორმაციას აღნიშნულ საქმესთან დაკავშირებით, მოვუწოდებთ, დაუკავშირდნენ მთავარ პოკურატურას ან სხვა საგამოძიებო ორგანოებს“,-აღნიშნა საელჩოს სამართლებრივმა ატაშემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„როსსტატის“ მონაცემებით, ბენზინის ფასების ყოველკვირეული ზრდა ბოლო 20 წლის განმავლობაში ყველაზე დიდია

ზელენსკი: ბელარუსის საზღვარზე აპარატურამ, რომელიც რუსულ დრონებს აკორექტირებდა, მუშაობა შეწყვიტა

დროა: პენიტენციურმა პირობა დაარღვია და ხოშტარიასთან მისი მკურნალი ექიმი არ შეუშვა

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო