საქართველოს მესამე პრეზიდენტმა, მიხეილ სააკაშვილმა, პრეზიდენტ ილჰამ ალიევის თბილისში ვიზიტზე კომენტარი გააკეთა და აღნიშნა, რომ აზერბაიჯანის პრეზიდენტს, „ქართული ოცნების“ დამფუძნებლის, ბიძინა ივანიშვილისგან განსხვავებით, ქვეყანაში „ფაქტობრივად“ არ ჰყავს პოლიტპატიმარი.

ყოფილმა პრეზიდენტმა აღნიშნა, რომ ოპოზიციონერი ჟურნალისტი აფგან სადიგოვი, რომლის ექსტრადიციასაც ბაქო საქართველოს ხელისუფლებისგან 2024 წლიდან ითხოვდა, საქართველოდან გაძევებისა და სამშობლოში დაკავების შემდეგ უკვე გაათავისუფლეს.

„მივესალმები ილჰამ ალიევის ვიზიტს საქართველოში. რაც შეეხება აფგან სადიგოვს, ის ბაქოში მალევე გაათავისუფლეს. ივანიშვილისგან განსხვავებით, ილჰამ ალიევს პრაქტიკულად არ ჰყავს პოლიტპატიმარი.

„ასევე, აზერბაიჯანის ყოფილმა პრეზიდენტმა აიათულაევმა, რომელიც ალიევებთან დაპირისპირებაში იყო, არავინ დააკავა და დიდი პატივისცემით ცხოვრობს ბაქოში, ისევე როგორც ელჩიბეიმ, რომელიც პრეზიდენტობის შემდეგ, გარდაცვალებამდე, ნახჭევანში სპეციალურად გამოყოფილ რეზიდენციაში ცხოვრობდა“, - წერს სააკაშვილი.

ავტორი: ექსპრესნიუსი,

სოციალური ქსელები

პუტინი: რუსეთი მზად იყო უკრაინასთან მოლაპარაკებები არჩევნების შემდეგ განაახლოს

CBS News: აშშ კუბასთან ომს გეგმავს

უცხოური ტერორისტული ორგანიზაციების მატერიალური მხარდაჭერის ბრალდებით, აშშ-ში უზბეკეთის მოქალაქის ექსტრადიცია განხორციელდა

მაკა ბოჭორიშვილის შეხვედრა ბელარუსის საგარეო საქმეთა მინისტრთან მაქსიმ რიჟენკოვთან