რუსეთის საგარეო დაზვერვის სამსახური საქართველოს კათოლიკოს-პატრიარქის არჩევასთან დაკავშირებით განცხადებას ავრცელებს და მსოფლიო პატრიარქ ბართლომეოსს საქართველოს მართლმადიდებელი ეკლესიის შიდა საქმეებში ჩარევაში ადანაშაულებს.

რუსეთის დაზვერვა ამტკიცებს, რომ ბართლომეოსს სურს ისარგებლოს ილია მეორის გარდაცვალებით და "თავის გავლენას დაუმორჩილოს საქართველოს მართლმადიდებელი ეკლესია".

დაზვერვა ირწმუნება, რომ ბართლომეოსი საქართველოს კათოლიკოს-პატრიარქის კანდიდატებად განიხილავს - "დასავლეთ ევროპის მიტროპოლიტ აბრაამს (გარმელია) და ფოთისა და ხობის მიტროპოლიტ გრიგოლს (ბერბიჭაშვილი).

განცხადება სრულად:

"საგარეო დაზვერვის სამსახურში შემოსული ინფორმაციით, კონსტანტინოპოლის პატრიარქი ბართლომეოსი დაჟინებით აგრძელებს მსოფლიო მართლმადიდებლობის გახლეჩის მზაკვრულ ხაზს პრინციპით "გათიშე და იბატონე".

ამჯერად მას სურს, ისარგებლოს სრულიად საქართველოს კათოლიკოს-პატრიარქის ილია II-ის გარდაცვალებით და თავის გავლენას დაუმორჩილოს საქართველოს მართლმადიდებელი ეკლესია. ფანარიოტს ვაკანტურ თანამდებობაზე საქართველოს მართლმადიდებლური ეკლესიის ისეთი წარმომადგენლის ისეთი დაწინაურება სურს, რომელსაც თავად დაეყრდნობა.

ამ როლისთვის ბართლომე კანდიდატებად განიხილავს დასავლეთ ევროპის მიტროპოლიტ აბრაამს (გარმელია) და ფოთისა და ხობის მიტროპოლიტ გრიგოლს (ბერბიჭაშვილი). თავის უახლოეს გარემოცვაში იგი მათ წარმოაჩენს, როგორც მისი ნების ყველაზე შესაფერის შემსრულებლებს", - ვკითხულობთ განცხადებაში. 

ავტორი: ექსპრესნიუსი,

სოციალური ქსელები

პუტინმა მკვეთრად შეამცირა საჯარო ღონისძიებების რაოდენობა და თითქმის მთლიანად შეწყვიტა მოსკოვიდან გასვლა

POG: დააკავეს პირი, კადრების გახმაურების მუქარით დაზარალებულს სქესობრივ კავშირს აიძულებდა

ირანის ელჩი საქართველოში: არცერთი ქვეყანა არ არის დაცული რეგიონული კრიზისის შედეგებისგან

ევროსასამართლომ ბავშვზე სექსუალური ძალადობის საქმის არაეფექტიანი გამოძიების გამო საქართველოს 10,000 ევროს გადახდა დააკისრა