პოლიტიკური პარტია "სტრატეგია-აღმაშენებელი" ახალი პატრიარქის არჩევასთან დაკავშირებით განცხადებას ავრცელებს და წერს, რომ პოლიტიკური სუბიექტების ჩარევა ამ პროცესში დაუშვებელია.

პარტია, მიიჩნევს, რომ პატრიარქის არჩევა მხოლოდ წმინდა სინოდის პრეროგატივაა.

"ახალი პატრიარქის არჩევის პროცესთან დაკავშირებით, ჩვენი მკაფიო პოზიციაა: პოლიტიკური სუბიექტების ჩარევა ამ პროცესში დაუშვებელია. პატრიარქის არჩევა მხოლოდ წმინდა სინოდის პრეროგატივაა. ჩვენ წინასწარ ვადასტურებთ პატივისცემას მათ მიერ მიღებული ნებისმიერი გადაწყვეტილების მიმართ.

ვხედავთ „ქართული ოცნების" მხრიდან აშკარა ჩარევას საჯარო კომუნიკაციისა და საინფორმაციო კამპანიების მეშვეობით. მოვუწოდებთ რეჟიმს, შეწყვიტოს საეკლესიო გადაწყვეტილებებზე გავლენის მოხდენის მცდელობა და ინსტიტუტის ინსტრუმენტალიზაცია.

საქართველოს ეკლესიას ავტოკეფალიის მრავალსაუკუნოვანი გამოცდილება აქვს. ის სრულად უნდა იყოს დაცული პოლიტიკური წნეხისგან." - წერია განცხადებაში. 

ავტორი: ექსპრესნიუსი,

სოციალური ქსელები

პუტინი: რუსეთი მზად იყო უკრაინასთან მოლაპარაკებები არჩევნების შემდეგ განაახლოს

CBS News: აშშ კუბასთან ომს გეგმავს

უცხოური ტერორისტული ორგანიზაციების მატერიალური მხარდაჭერის ბრალდებით, აშშ-ში უზბეკეთის მოქალაქის ექსტრადიცია განხორციელდა

მაკა ბოჭორიშვილის შეხვედრა ბელარუსის საგარეო საქმეთა მინისტრთან მაქსიმ რიჟენკოვთან