თბილისის საქალაქო სასამართლოში მეუღლისა და შვილის მკვლელობაში ბრალდებული მაგდა პაპიძის პროცესზე ბრალდების მხარემ წარადგინა მტკიცებულებები, რომლის დასაშვებად ცნობას ითხოვს.

ბრალდების მხარის მტკიცებულებების დასაშვებობასთან დაკავშირებით, დაცვის მხარემ კი დააყენა შუამდგომლობა, რომ დაუშვებლად იქნას ცნობილი სახელმწიფო ბრალდების მიერ წარმოდგენილი მასალებიდან 6 ნივთიერმტკიცებულება.

კერძოდ, დაცვის მხარე ითხოვს დასაშვებ მტკიცებულებათა ნუსხიდან ამოიღონ შემდეგი: უროს ექსპერტიზის შედეგი - ბიოლოგიური და გენეტიკური ქსპერტიზის შედეგი, რვეულის დათვალიერების ოქმი, ჩანაწერზე გაკეთებული ხელნაწერის ექსპერტიზის დასკვნა, ქაფიაშვილის ბინის გამეორებით დათვალიერების შედეგები, სახლიდან ამოღებული ნივთიერი მტკიცებულებები - ხის ნაჭერი და სხვა  ნაჭრები, რომლებიც  ექსპერტიზისთვის წაიღეს.

ადვოკატების თქმით, ბრალდების მხარის მტკიცებულებები, კანონდარღვევითაა მოპოვებული და მათთან დაკავშირებით ბევრი კითხვის ნიშანი არსებობს.

"ექსპრესნიუსის"  ჟურნალისტის ცნობით, სასამართლოში   მაგდა პაპიძის დედა და და იმყოფებიან, თუმცა ისინი სხდომას არ ესწრებიან, ვინაიდან დასაკითხ მოწმეთა სიაში არიან.

 მაგდა პაპიძეს აღკვეთის ღონისძიების სახით პატიმრობა აქვს შეფარდებული.

შეგახსენებთ, პაპიძის საქმეზე საქართველოს მთავარმა პროკურატურამ  მიმდინარე წლის 19 თებერვალს  გამოძიების შუალედური  ანგარიში გამოაქვეყნა, სადაც ნათქვამია, რომ  ბრალდებულმა პაპიძემ საკუთარი მეუღლე თავში უროს ჩარტყმით მოკლა, ხოლო შვილი გაგუდა და ამავე დროს კვალის დაფარვა სცადა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკიმ ტრამპს რუსეთის წინააღმდეგ „ჯოჯოხეთური სანქციების“ დაწესება მოსთხოვა

მაჭავარიანი – „ენჯეოებმა“ სააკაშვილისგან იგრძნეს ბულინგი, წნეხს ვერ გაუძლეს და შეიყვანეს სიაში

მიხეილ სააკაშვილი – „საერთაშორისო გამჭვირვალობამ“ მაღიარა პოლიტიკურ პატიმრად, დიდი მადლობა, სჯობს გვიან, ვიდრე არასდროს

გერმანიაში დაზიანებული სადენების გამო, დიდ ქალაქებს შორის რკინიგზის მოძრაობა შეფერხდა