სამ საათიანი გამოკითხვაა დასრულებულია - გივი თარგამაძემ სუს-ის შენობა რამდენიმე წუთის წინ დატოვა.

პოლიტიკოსის თქმით, მდინარაძის უწყების გამომძიებლებს აინტერესებდათ, რაზე დაყრდნობით ამბობს,  თარგამაძე რომ საქართველოში მოქმედი ეგრეთწოდებული უნივერსიტეტი ქვეყნისთვის საფრთხის მომტანია.

 [გამოკითხვის]ძირითადი არსი იყო, რომ ასეთ ვითარებაში ჩემი განცხადება ვნებდა თუ არა ქვეყანას, რა თქმა უნდა, ჩემი პასუხი იყო, რომ არა. შევეცადე ამეხსნა ის, რომ ქვეყანას ვნებს ის, რაც ხდება და რისი პრევენციაც ვერ ხერხდება. 

ჩემი შეფასება იყო მოწოდებული იმისთვის, რომ მეტი იმუშაონ და პრევენცია მოახდინონ იმისი, რაც ვნებს ქვეყანას. ყველაფერი[რასაც ვამბობ] მქონდა ღია წყაროებიდან და მათაც აქვთ, ამ ფაქტებს შესაბამისი მუშაობა უნდა. სამწუხაროდ, აქ ჩვენი გამოკითხვების პარალელურად, ეს პროცესები ვითარდება ძალიან საჯაროდ და შეუჩერებლად“,- განუცხადა ჟურნალისტებს გივი თარგამაძემ სუს-ში გამოკითხვის შემდეგ.

ოპოზიციონერი პოლიტიკოსის ადვოკატმა, ბექა ბასილაიამ სუს-თან შეკრებულ ჟურნალისტებს უთხრა, რომ გივი თარგამაძის მხრიდან, ყველა დასმულ შეკითხვას ამომწურავი პასუხები გაეცა.

ნათელია, რომ თარგამაძე იმ განცხადებების ფარგლებში, რაზეც დღეს დაიკითხა, საქართველოს გულშემატკივრის, ამ ქვეყნის პატრიოტის, ჭეშმარიტი მოქალაქის პოზიციიდან საუბრობდა - თქვა უფლებადამცველმა.

ყველა დასმულ შეკითხვას გაეცა ამომწურავი პასუხები. ნათელია, რომ გივი იმ განცხადებების ფარგლებში, რაზეც დღეს დაიკითხა, საქართველოს გულშემატკივრის, ამ ქვეყნის პატრიოტის, ამ ქვეყნის ჭეშმარიტი მოქალაქის პოზიციიდან საუბრობდა. რაც შეეხება საფრთხეებს, რასთან დაკავშირებითაც დაკითხვის დროს უშუალოდ მიდიოდა ყველა დეტალზე ყურადღების გამახვილება - ბუნებრივია, თითოეული ჩვენგანის, აქ მყოფი ჟურნალისტების, ოპერატორების, გამვლელი ადამიანების, აქ მომუშავე ხალხის თუ აქ დაკითხული პირების, ვინც ამ ქვეყანაში ცხოვრობს, ყველას ინტერესში შედის, რომ ჩვენს ქვეყანაში ისლამური ფუნდამენტალიზმი არ გავრცელდეს. ამასთან ის, რომ ჩვენი ქვეყანა იყოს უსაფრთხო და თავისუფალი გარე ჩარევისგან“,- განაცხადა ბექა ბასილაიამ.

ავტორი: ექსპრესნიუსი,

სოციალური ქსელები

თეთრმა სახლმა CNN-ს ტრამპის საპრეზიდენტო თვითმფრინავში ასვლა აუკრძალა

NYT: OpenAI-ის ხელოვნური ინტელექტის აგენტებმა აშშ-ის მთავრობის ვებსაიტებს კომპანიას ინფორმირების გარეშე შეუტიეს

ტრამპმა გამოაქვეყნა ჰორმუზის სრუტის რუკა, რომელსაც „ტრამპის სრუტე“ უწოდა

სენატორთა ჯგუფმა ტრამპს მოუწოდა, გააუქმოს პუტინის მოწვევა G20-ის სამიტზე