სახალხო დამცველის ოფისის ცნობით, ლევან იოსელიანი, პირველ მოადგილესთან ერთად, ეუთო-ს ადამიანური განზომილების „მოსკოვის მექანიზმის ფარგლებში“ დანიშნულ მომხსენებელს პატრიცია გრჟებიკს შეხვდა.

ოფისის განცხადების თანახმად, შეხვედრაზე ლევან იოსელიანმა 2024 წლის განმავლობაში მიმდინარე საპროტესტო აქციებზე დაკავებულ პირთა უფლებების დაცვის თვალსაზრისით განხორციელებულ ზედამხედველობაზე, მათი დაკავების, განთავსების პირობებისა და ჯანმრთელობის მდგომარეობის შესწავლის საკითხზე ისაუბრა.

"ასევე, განიხილა შეკრება-მანიფესტაციის უფლების მიმართულებით საქართველოს კანონმდებლობაში შეტანილი ცვლილებები და სახალხო დამცველის მიერ წარდგენილი კონსტიტუციური სარჩელები. ამასთან, სტუმარს აქციაში მონაწილეთა სისხლის სამართლის საქმეებზე შემუშავებული სასამართლო მეგობრის მოსაზრებები და ის ღონისძიებები გააცნო, რომლებსაც საქართველოს სახალხო დამცველი თავისი მანდატის ფარგლებში ახორციელებს", - ვკითხულობთ განცხადებაში. 

საქართველოსთან მიმართებით მოსკოვის მექანიზმი 29 იანვარს ეუთო-ს წევრმა 24-მა ქვეყანამ გაააქტიურა და ექსპერტთა მისიის შექმნა მოითხოვა.

ფორმულას ინფორმაციით, ქართულმა ოცნებამ უარი თქვა მექანიზმის ფარგლებში საკუთარი ექსპერტის წარდგენაზე. არსებული პროცედურის თანახმად, მოსკოვის მექანიზმი ჩვეულებრივ ითვალისწინებს სამი ექსპერტისგან შემდგარი ჯგუფის ფორმირებას, საიდანაც ერთი უნდა დაასახელოს იმ ქვეყანამ, რომლის წინააღმდეგაც მექანიზმია ამოქმედებული - ამ შემთხვევაში, საქართველომ.

თუ სახელმწიფო უარს აცხადებს საკუთარი ექსპერტის შერჩევაზე ან ამას დადგენილ ვადაში არ ახორციელებს, პროცესი არ ჩერდება. ასეთ შემთხვევაში ინიციატორ ქვეყნებს უფლება აქვთ, თავად დანიშნონ ერთი დამოუკიდებელი ექსპერტი, რომელიც მისიას ერთპიროვნულად განახორციელებს.

ავტორი: ექსპრესნიუსი,

სოციალური ქსელები

შიო III-ეს არის დიდი პატივიც და მძიმე ჯვარი

მიტროპოლიტი ისაია - მთავარი პრიორიტეტია საქართველოსთვის ზრუნვა, ვფიქრობ, ამ საქმეში პატრიარქი მარტო არ იქნება

კობახიძე - დღეს ჩვენი ეროვნული და სულიერი ცხოვრების ისტორიული ფურცელი გადაიშალა

ბიძინა და ეკატერინა ივანიშვილები შიო მესამეს - დღეიდან თქვენ გაკისრიათ საპატიო მისია, უხელმძღვანელოთ დედა ეკლესიას, იყოთ ერის და ბერის სულიერი მამა