"ქართულ ოცნებაში" შვედეთში "კრიმინალის დონით" შეშფოთებულები არიან - შესაბამისი განცხადება დღეს ირაკლი კირცხალიამ გააკეთა. 

პარლამენტში სიტყვით გამოსვლისას "ოცნების" წევრმა თქვა ისიც, რომ შვედეთის მოქალაქეებს ჯანდაცვის სერვისების ხელმისაწვდომობასთან დაკავშირებით პრობლემები აქვთ. 

მივმართავ შვედურ მხარეს - რასაკვირველია, ზოგადად მადლობლები ვართ, რომ საქართველოს მიმართ ყურადღებას გამოხატავთ, მაგრამ გარწმუნებთ, რომ თქვენი შეშფოთება, რომელიც არაობიექტური ინფორმაციას ეფუძნება აბსოლუტურად უსაგნო და არარელევანტურია. შესაბამისად, ნებისმიერი პროცესი, რაც თქვენი შეშფოთების მიზეზად შეიძლება იქცეს მხოლოდ და მხოლოდ ჩვენი სუვერენიტეტისა და კანონის უზენაესობის გამოძახილია. მეორე მხრივ, საქართველოს, როგორც პარტნიორ, მეგობარ სახელმწიფოს და მის მმართველ გუნდს ნამდვილად გვაქვს შეშფოთების მიზეზი იმ პროცესებთან დაკავშირებით რაც თქვენს ქვეყანაში ხდება. იქნებ დაგვეხმაროთ და განგვიმარტოთ, თქვენს მსგავსად ჩვენც შეცდომაში ვართ შეყვანილი, თუ თქვენს ქვეყანას ნამდვილად აქვს ის პრობლემები და გამოწვევები, რაზეც ხმამაღლა მიდის საუბარი. მაგალითად, ჩვენ შეშფოთებულები ვართ, რომ ბოლო პერიოდში შვედეთში უკიდურესად არის გაზრდილი დისკრიმინაციული და სიძულვილით მოტივირებული დანაშაულებები; შემაშფოთებელია ის ფაქტი, რომ თქვენი ქვეყნის დიდ ქალაქებში გაზრდილია ორგანიზებული დანაშაულის რისკის დონე და ზოგადად, შვედეთში გაზრდილია კრიმინალის მაჩვენებელი; შემაშფოთებელია, რომ შვედეთში ბანდების მიერ სროლები და აფეთქებები ბოლო რამდენიმე წლის განმავლობაში სტაბილურად გაიზარდა. ასევე, გვაშფოთებს ეკონომიკური სტაგნაცია თქვენს ქვეყანაში და ფაქტი, რომ შვედეთის ეკონომიკა მაღალი ინფლაციის, სუსტი შიდა მოთხოვნის და საყოფაცხოვრებო ვალების გამო სირთულეების წინაშე დგას. ასევე, შემაშფოთებელი ფაქტია, რომ სამწუხაროდ, თქვენს მოქალაქეებს ხანგრძლივი ლოდინი უწევთ მკურნალობის მისაღებად. თქვენგან განსხვავებით, ჩვენს მიერ გამოხატული შეშფოთება დაფუძნებულია ფაქტებზე, სტატისტიკაზე და ობიექტურ მოცემულობაზე." - განაცხადა ოლიგარქ ივანიშვილის წარმომადგენელმა.

შვედეთი ტრადიციულად მსოფლიოს ყველაზე ბედნიერი ქვეყნების ათეულშია და გამონაკლისი არც ბოლო წლებია. 2025 წლის ბედნიერების მსოფლიო ანგარიშის (World Happiness Report) მიხედვით, შვედეთი მე-4 ადგილს იკავებს 140-ზე მეტ ქვეყანას შორის.

შვედური ბედნიერება არ არის მხოლოდ "კარგი განწყობა"; ეს არის ცხოვრების ხარისხის, სოციალური ნდობისა და სახელმწიფო სისტემის ერთობლიობა. აი, რა ხდის მათ ასეთ კმაყოფილს:

​„Lagom“-ის ფილოსოფია: ეს შვედური სიტყვა ნიშნავს „არც ბევრს, არც ცოტას, არამედ ზუსტად იმდენს, რამდენიც საჭიროა“. ეს არის ბალანსი ყველაფერში – კვებაში, მუშაობასა და დასვენებაში.

​Work-Life Balance: შვედეთში პირადი დრო წმინდაა. მშობლებს აქვთ 480-დღიანი ანაზღაურებადი დეკრეტული შვებულება, რომელსაც დედა და მამა ინაწილებენ.

​მაღალი სოციალური ნდობა: შვედების 90%-ზე მეტს სჯერა, რომ მათ ჰყავთ მინიმუმ ერთი ადამიანი, ვისი იმედიც მძიმე წუთებში ექნებათ. ასევე, ძალიან მაღალია ნდობა მთავრობისა და ინსტიტუტების მიმართ.

​ბუნებასთან კავშირი: „Allemansrätt“ (საყოველთაო წვდომის უფლება) შვედებს აძლევს უფლებას, თავისუფლად ისეირნონ, დაბანაკდნენ და ისარგებლონ ბუნებით ყველგან, მათ შორის კერძო მფლობელობაში არსებულ ტყეებშიც კი.

​დაბალი კორუფცია და მაღალი უსაფრთხოება: სამართლიანი სასამართლო და გამჭვირვალე სახელმწიფო მმართველობა სტრესის დონეს მინიმუმამდე დაჰყავს.

ავტორი: ექსპრესნიუსი,

სოციალური ქსელები

ზელენსკიმ ტრამპს რუსეთის წინააღმდეგ „ჯოჯოხეთური სანქციების“ დაწესება მოსთხოვა

მაჭავარიანი – „ენჯეოებმა“ სააკაშვილისგან იგრძნეს ბულინგი, წნეხს ვერ გაუძლეს და შეიყვანეს სიაში

მიხეილ სააკაშვილი – „საერთაშორისო გამჭვირვალობამ“ მაღიარა პოლიტიკურ პატიმრად, დიდი მადლობა, სჯობს გვიან, ვიდრე არასდროს

გერმანიაში დაზიანებული სადენების გამო, დიდ ქალაქებს შორის რკინიგზის მოძრაობა შეფერხდა