ევროპელმა დიპლომატებმა Reuters-ს განუცხადეს, რომ ევროკავშირის საგარეო საქმეთა მინისტრები ირანის წინააღმდეგ ახალ სანქციებზე შეთანხმდნენ, რომლებიც მიზანში იმ პირებსა და ორგანიზაციებს იღებენ, რომლებიც დემონსტრანტების წინააღმდეგ ძალადობრივ დარბევებსა და ქვეყნის მიერ რუსეთის მხარდაჭერაში მონაწილეობდნენ.

Deutsche Welle წერს, რომ ახალი სავიზო და ფინანსური სანქციები 30-მდე ირანელ პირს შეეხო. 

საფრანგეთის საგარეო საქმეთა მინისტრმა, ჟან-ნოელ ბარომ განაცხადა, რომ ახალი სანქციების სამიზნეებს შორის არიან "მთავრობის წევრები, პროკურორები, პოლიციის დანაყოფების ხელმძღვანელები, რევოლუციური გვარდიის კორპუსის წევრები და ისინი, ვინც ინტერნეტის დაბლოკვაზე არიან პასუხისმგებელნი".

ასევე, მედიაში გავრცელებული ინფორმაციით, ევროკავშირი აპირებს, ირანის ისლამური რევოლუციის გუშაგთა კორპუსი (IRGC), რომელიც ხამენეის რეჟიმის საყრდენს წარმოადგენს, ტერორისტულ ორგანიზაციად გამოაცხადოს, მას შემდეგ, რაც ირანში ანტისამთავრობო დემონსტრაციები რეჟიმმა სასტიკად დაარბია. 

ავტორი: ექსპრესნიუსი,

სოციალური ქსელები

იუკნევიჩიენე: საქართველოში რეპრესიების გაძლიერება გრძელდება, დროა, EU-მა იმოქმედოს

უკრაინული მედია: უკრაინამ რუსეთისგან 1 000 სამხედრო მოსამსახურის ცხედარი დაიბრუნა

საფარი ითხოვს, დავით მატიაშვილსა და სხვა მანდატურებს ბრალი წარედგინოთ ძალადობის მუხლით

რეჟიმის პარლამენტი გრანტების შესახებ კანონში ცვლილებების განხილვას იწყებს