"ჩვენ გადაგვედო სასამართლო და ჩვენს ადვოკატებს პროკურატურამ შეატყობინა, რომ მოემზადეთ იმისთვის, რომ ბრალი დაგიმძიმდებათ სსკ-ის 117-ე მუხლითო, რომელიც თუ არ ვცდები, 15 წლამდე პატიმრობას ითვალისწინებს" - ამბობს გიგა ავალიანის საქმის ფარგლებში დაკავებული ერთ-ერთი არასრულწლოვანის მამა, ალექსანდრე გაბაშვილი ფორმულას ეთერში საუბრისას.

 ალექსანდრე გაბაშვილის თქმით, ბრალდების საქმეში ახალი მტკიცებულებები და მასალები არ გამოჩენილა და "ბრალის დამძიმება დაკვეთით ხდება და პროკურატურა რატომღაც ამ ყველაფერს აკეთებს".

 დაკავებულ არასრულწლოვანს, ალექსანდრე გაბაშვილს ამ დროისათვის სახელმწიფო ბრალდება ჯანმრთელობის განზრახ მძიმე დაზიანება ედავება.

მოზარდი 2025 წლის 19 ოქტომბერს დაკითხვაზე დაიბარეს და დასრულებისთანავე ხელბორკილები დაადეს.

იქამდე, სანამ გიგა ავალიანი კლინიკაში გარდაიცვლებოდა გამოძიება ჯგუფურ დანაშაულს იძიებდა და სავარაუდო დამნაშავედ ორ მოზარდს ა.გ.-სა და გ.რ.-ს მიიჩნევდა. ავალიანის გარდაცვალების შემდეგ, მუხლიდან გაქრა ჯგუფურობის კომპონენტი და ბრალდება ასე ჩამოყალიბდა - ჯანმრთელობის განზრახ მძიმე დაზიანება, რასაც სიცოცხლის მოსპობა მოჰყვა.

ავტორი: ექსპრესნიუსი,

სოციალური ქსელები

საქართველოს ბანკმა საერთაშორისო საბანკო ურთიერთობები Standard Chartered Bank-თან გააფართოვა

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა