24 მარტს მებაჟე ოფიცრებმა საბაჟო „სადახლო-საავტომობილო“ გამშვებ პუნქტზე არადეკლარირებული ოქროს ნაკეთობები აღმოაჩინეს. 

როგორც "ექსპრესნიუსს" შემოსავლების სამსახურიდან აცნობეს, ეჭვის საფუძველზე ფიზიკური დათვალიერების შედეგად, მათ სომხეთის რესპუბლიკის მოქალაქე ჰ.ს.-ს, საერთო წონით 81,86 გრამი ოქროს ნაკეთობები აღმოუჩინეს. საქონლის საბაჟო ღირებულებამ შეადგინა 30945,72 ლარი. საქმე შემდგომი რეაგირების მიზნით გადაეცა ფინანსთა სამინისტროს საგამოძიებო სამსახურს.

შემოსავლების სამსახურის ცნობით, მსგავსი ფაქტი შემოსავლების სამსახურის თანამშრომლებმა 26 მარტსაც გამოავლინეს. საბაჟო გამშვებ პუნქტზე „წითელი ხიდი“, აზერბაიჯანის მოქალაქე რ.ჰ.-ის ბარგის ეჭვის საფუძველზე დეტალური დათვალიერების შედეგად, მებაჟე ოფიცრებმა საერთო წონით 21,72 გრამი არადეკლარირებული ოქროს ნაკეთობები აღმოაჩინეს. საქონლის საბაჟო ღირებულებამ შეადგინა 3373,32 ლარი.

საქართველოს საგადასახადო კოდექსის 289-ე მუხლის მე-10 ნაწილის მიხედვით, პირს სანქციის სახით ფულადი ჯარიმა, 3373.32 ლარის ოდენობით შეეფარდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკიმ ტრამპს რუსეთის წინააღმდეგ „ჯოჯოხეთური სანქციების“ დაწესება მოსთხოვა

მაჭავარიანი – „ენჯეოებმა“ სააკაშვილისგან იგრძნეს ბულინგი, წნეხს ვერ გაუძლეს და შეიყვანეს სიაში

მიხეილ სააკაშვილი – „საერთაშორისო გამჭვირვალობამ“ მაღიარა პოლიტიკურ პატიმრად, დიდი მადლობა, სჯობს გვიან, ვიდრე არასდროს

გერმანიაში დაზიანებული სადენების გამო, დიდ ქალაქებს შორის რკინიგზის მოძრაობა შეფერხდა