იმ შემთხვევაში, თუ ირანის უსაფრთხოების ძალები პროტესტის ჩახშობას ვერ შეძლებენ, ირანის უზენაესი ლიდერი აიათოლა ალი ხამენეი მოსკოვში გაქცევას გეგმავს, – ამის შესახებ სტატიას „თაიმსი“ აქვეყნებს.

გამოცემისთვის მიწოდებული სადაზვერვო ანგარიშის თანახმად, სიტუაციის გაუარესების შემთხვევაში 86 წლის ხამენეი თეირანიდან თავის 20 თანაშემწესა და ოჯახის წევრთან ერთად გაქცევას განიხილავს.

„გეგმა B ხამენეისთვის, მისი ახლო წრისა და ოჯახისთვისაა, მათ შორის მისი ვაჟისა და მემკვიდრის, მოჯტაბასთვის“, – განუცხადა „თაიმსს“ სადაზვერვო წყარომ და აღნიშნა, რომ ეს გულისხმობს „აქტივების, საზღვარგარეთული ქონების და ნაღდი ფულის შეგროვებას უსაფრთხო გადასვლის უზრუნველსაყოფად“.

როგორც „თაიმსი“ წერს, ხამენეის აქტივების ფართო ქსელი აქვს.

2013 წელს „როიტერის“ გამოძიების თანახმად, მისი მთლიანი აქტივები, მათ შორის უძრავი ქონება და კომპანიები, 95 მილიარდ დოლარად შეფასდა. წყაროები აღნიშნავენ, რომ გაქცევის გეგმა ამოქმედდება, თუ ხამენეი ჩათვლის, რომ მისი უსაფრთხოების ძალები ბრძანებებს არ ასრულებენ. მიუხედავად იმისა, რომ ხამენეი აკონტროლებს სამხედრო პირების დანიშვნებს, ის გასულ წელს, ისრაელთან ომის შემდეგ „როგორც გონებრივად, ასევე ფიზიკურად დასუსტდა“.

„თაიმსი“ წერს, რომ ის იშვიათად ჩნდება საჯაროდ და ბოლო რამდენიმე დღის საპროტესტო აქციების დროს მას განცხადება არ გაუვრცელებია.

ცნობისთვის, ადამიანის უფლებათა დამცველი ორგანიზაციების განცხადებით, ერთი კვირის განმავლობაში ირანში საპროტესტო აქციების მიმდინარეობისას, სულ მცირე, 16 ადამიანი დაიღუპა. დემონსტრაციები ინფლაციის მკვეთრი ზრდის გამო დაიწყო მთელ ქვეყანაში და დემონსტრანტებსა და უსაფრთხოების ძალებს შორის ძალადობრივ დაპირისპირებებში გადაიზარდა.

ავტორი: ექსპრესნიუსი,

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება