საპატრიარქოს საზოგადოებასთან ურთიერთობის სამსახურის ხელმძღვანელის, დეკანოზ ანდრია ჯაღმაიძის თქმით, რეჟიმის პატიმრების გათავისუფლებასთან დაკავშირებით ქართულ ოცნებას სამჯერ მიმართეს, თუმცა ამ საკითხს "მსვლელობა არ მიეცა". 

ჯაღმაიძემ დაამატა, რომ ამ საკითხთან დაკავშირებით ასევე პატრიარქის ტახტის მესაყდრემ, მეუფე შიომ ირაკლი კობახიძეს მიმართა. 

"ჩვენ გვსაყვედურობენ ხოლმე, თითქოს საპატრიარქო ჩამორჩა პროტესტის მხარეს მდგარ ხალხს და რამდენიმე სასულიერო პირმა ბევრი იმუშავა იმისათვის, რომ წარმოეჩინათ საპატრიარქო, თითქოს დაპირისპირებულია მათთან.

პირველ რიგში გეტყვით, რომ პატიმრებთან დაკავშირებით სამჯერ გვაქვს დაყენებული საკითხი, რომ მსუბუქად დანაშაული ვისაც შეიძლება, ჩაეთვალოს, იქნებ გათავისუფლდეს, მათ შორის, მზია ამაღლობელთან დაკავშირებით.

ორჯერ მე თავად მქონდა საუბარი ამის შესახებ ხელისუფლებასთან, ერთხელ მეუფე შიომ უშუალოდ პრემიერთან დააყენა ეს საკითხი - არ მიეცა ამ საკითხს მსვლელობა.

ჩვენ ახლა ამას არ ვაფიშირებთ და არ გვინდა, რომ ნებისმიერი ჩვენი აქტივობა რაღაც პოლიტიკურ პოლუსზე აღმოჩნდეს, ვიღაცის მიერ. 

რაც შეეხება იმ ღამეებს, როდესაც ეს ხდებოდა, ყოველ ღამე ჩვენი სამსახურის მამები მორიგეობით იყვნენ ქაშუეთში და ამ ადამიანებს უქმნიდნენ ერთგვარ ზღუდეს, რომ მათ უკან ეკლესიაში დამდგარიყო ის ხალხი, ვინც დაზარალებული იყო, ვთქვათ, ცრემლსადენი გაზით და წყლით. 

ბევრი კადრებია ამის შესახებ, მამაოები თავად აწვეთებენ თვალში, აწვდიან წყალს, ტაძარში იფარებენ, ეზოში პირდაპირ ჯაჭვად იდგნენ მამები და, რა თქმა უნდა, ამას ითვალისწინებდა მერე სპეცრაზმიც და იქ არ შედიოდნენ და მამების უკან ვინც შედიოდნენ, პროტესტის მონაწილეები, ყველანი დაცულები იყვნენ აბსოლუტურად". - თქვა დეკანოზმა საპატრიარქოს ტელევიზიის ეთერში.

ავტორი: ექსპრესნიუსი,

სოციალური ქსელები

ზელენსკიმ ხარკოვის საცხოვრებელ უბანზე რუსეთის დარტყმების შესახებ განაცხადა: დაღუპულთა რიცხვი იზრდება

ანდრია ჯღამაიძე: სამჯერ დავაყენეთ პატიმრების, მათ შორის, ამაღლობელის გათავისუფლების საკითხი

ზელენსკიმ ბუდანოვი პრეზიდენტის ადმინისტრაციის უფროსად დანიშნა

ირანის მუქარა ტრამპის განცხადებას: მათ უნდა ადარდებდნენ თავიანთი ჯარისკაცების უსაფრთხოება