ქართული ოცნების პარლამენტის თავმჯდომარე შალვა პაპუაშვილი, რომელიც უკვე რამდენიმე დღეა აკრიტიკებს და "საძაგლობას" უწოდებს BBC-ის საგამოძიებო სიუჟეტს, ამბობს, რომ სიუჟეტი არ უნახავს.

"[სუს-ის გამოძიებით] გაეცა პასუხი იმ საძაგლობას, რაც ჩვენ მოვისმინეთ BBC-სგან, რომელ საძაგლობასაც აყვნენ ქართველი მოღალატეები, რომ პირველი მსოფლიო ომის ქიმიური იარაღი გამოვიყენეთ... ეს არის ზუსტად გებელსისეული პროპაგანდა", - ამბობს ის. 

ჟურნალისტებთან საუბრისას მან სუს-ის გამოძებაზეც ისაუბრა და თქვა, რომ ახლა მნიშვნელოვანია, გამოიძიონ შემდეგი - "ვინ მოიფიქრა ეს ტყუილი, რატომ მოიფიქრა, ვინ უწყობდა ხელს ამას, ვინ თანამშრომლობდა საქართველოს წინააღმდეგ მტრულ საქმეში".

კითხვაზე, რა ნივთიერება გამოიყენა შინაგან საქმეთა სამინისტრომ გასულ წელს პროტესტის მონაწილეების დასაშლელად 28 ნოემბრიდან 3 დეკემბრის ჩათვლით, შალვა პაპუაშვილმა სუს-ის გამოძიება ახსენა, რომელიც მხოლოდ 4-5 დეკემბერს გამოყენებულ ნივთიერებებზე მიუთითებს.

6 ნოემბერს სუს-მა განაცხადა, რომ ამ BBC-ის მიერ მომზადებულ მასალასთან დაკავშირებით დაწყებული გამოძიება დასრულდა - კერძოდ, თქვა, რომ 4-5 დეკემბრის პროევროპული აქციების დარბევისას გამოიყენეს ქლორობენზილიდინ მალონონიტრილი, იგივე ცრემლსადენი გაზი, თუმცა არაფერი უთქვამს იმის შესახებ,  რა ნივთიერება გამოიყენეს 28 ნოემბრიდან 3 დეკემბრის ღამის ჩათვლით.

"როცა გამოიყენეს, რა გამოიყენეს, ეგ გითხრეს, საბოლოო ჯამში. რაც იქნა გამოყენებული, ამაზე იყო საუბარი. თუკი რაიმე საშუალება იყო გამოყენებული, ყველაფერი იყო ნათქვამი", - ამბობს შალვა პაპუაშვილი. 

ავტორი: ექსპრესნიუსი,

სოციალური ქსელები

ტელეკომპანია „დოჟდის“ მთავარ რედაქტორს ტიხონ ძიადკოს „ყალბი ამბების“ საქმეში რვა წლით თავისუფლების აღკვეთა მიესაჯა

სამეფო ოპერის თეატრმა დიდი ბრიტანეთის პრემიერ-მინისტრს პაატა ბურჭულაძის საქმეში ჩარევისკენ მოუწოდა

საქართველოს რაგბის ეროვნული ნაკრების ყოფილი კაპიტანს დოპინგის ბრალდებით 11 წლით დისკვალიფიკაცია მისცეს

EU-ის წარმომადგენლობა: ვულოცავთ შიო III-ს სრულიად საქართველოს კათოლიკოს-პატრიარქად გამორჩევას