2025-11-27 20:54:34, 1699 ნახვა
პოლიტიკა
ზელენსკი ტრამპს: იმედია, ღირსეულ მშვიდობას და გარანტირებულ უსაფრთხოებას ერთად მივაღწევთ
უკრაინის პრეზიდენტი ვოლოდიმირ ზელენსკი აშშ-ის პრეზიდენტ დონალდ ტრამპს მადლიერების დღეს ულოცავს.
"ვულოცავთ და ბედნიერ მადლიერების დღეს ვუსურვებთ აშშ-ს პრეზიდენტს, დონალდ ტრამპს, პირველ ლედის, მელანია ტრამპს და ყველა ამერიკელს. გულწრფელად მადლიერები ვართ თქვენი მხარდაჭერისთვის, რამაც უკრაინაში ამდენი სიცოცხლე გადაარჩინა და რაც ჩვენი დამოუკიდებლობის დაცვაში ყოველდღიურად გვეხმარება. მოხარული ვართ, რომ ჩვენი ურთიერთობები კონსტრუქციულია და მოუთმენლად ველოდებით დიპლომატიის სფეროში შემდგომ პოზიტიურ განვითარებას, რათა რუსეთის ომი ჩვენი ხალხის წინააღმდეგ საბოლოოდ დასრულდეს. გულწრფელად ვიმედოვნებთ, რომ ღირსეული მშვიდობა და გარანტირებული უსაფრთხოება ჩვენი საერთო მიღწევა იქნება", - წერს ის X-ზე.
ავტორი: ექსპრესნიუსი,
epn.ge (@expressnews.ge)
