2016-03-25 11:43:08, 1283 ნახვა
მსოფლიო
ბელგიის მთავრობამ ტერორიზმის საფღთხის დონე 4-დან 3 ნიშნულამდე შეამცირა
ბელგიის მთავრობამ ტერორიზმის საფრთხის დონის შემცირება გადაწყვიტა, - ამის შესახებ ინფორმაციას Reuters ბელგიის შინაგან საქმეთა მინისტრზე იან იამბონზე დაყრდნობით ავრცელებს.
როგორც იან იამბონი აცხადებს, ტერორიზმის საფრთხის დონე ოთხიდან სამ ნიშნულამდე ჩამოვიდა. თუმცა, ეს როგორ აისახება ქვეყანაში უსაფრთხოების ზომებზე, ჯერ უცნობია.
ცნობისთვის, ბელგიაში სამდღიანი გლოვაა გამოცხადებული. ბრიუსელში ტერაქტების სერიას, მეტროსა და აეროპორტში 31 ადამიანი შეეწირა. მომხდარის შემდეგ ბელგიის შინაგან საქმეთა მინისტრმა გადადგომის შესახებ განაცხადა, თუმცა, პრემიერ-მინისტრმა მისი განაცხადი არ დააკმაყოფილა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
