პირადობის მოწმობების განახლება კიდევ ერთხელ, ამჯერად 2025 წლის 22 დეკემბრამდე გადავადდა. განახლებული ID ბარათების გაცემა 3 ნოემბერს უნდა დაწყებულიყო. ამის შესახებ საქართველოს იუსტიციის მინისტრის 31 ოქტომბრის დადგენილებიდან ხდება ცნობილი.

მოქალაქეები ახალ პირადობის მოწმობას, პასპორტს და დიპლომატიურ პასპორტს განახლებული დიზაინით პირვანდელი რედაქციით 1-ელ ივნისს უნდა აეღოთ. შემდეგ ვადამ 1-ელ აგვისტომდე გადაიწია, შემდეგ 2 თვით 2 ოქტომბრამდე. საბოლოო რედაქციით გარდა პირადობისა, სხვა დოკუმენტების გაცემა ნამდვილად ოქტომბერში დაიწყო, თუმცა პირადობის მოწმობების განახლების ვადად ნოემბრის დასაწყისი განისაზღვრა.

"ოცნების" მინისტრის ბრძანების თანახმად, მოწმობის ფონური გამოსახულების ნაბეჭდი ელემენტები ისე უნდა იყოს განაწილებული, რომ რთული იყოს მათი დაშლა ან გაყალბება. მაგალითად, ობიექტის დანაწევრება მცირე კომპონენტებად. დოკუმენტში ასევე აღნიშნულია, რომ ნებისმიერი მანიპულაცია უნდა იყოს ადვილად აღმოსაჩენი.

ახალი დიზაინის ID ბარათზე დატანილი იქნება საქართველოს სახელმწიფო გერბი სრული სახით (ერთ ფერში) და საქართველოს სახელმწიფო დროშა.

განახლებული პირადობის მოწმობა შეიცავს შემდეგ მონაცემებს:

სახელს, გვარს, სქესს, მოქალაქეობას, დაბადების თარიღსა და ადგილს, პირად ნომერს, ფოტოსურათს, პირადი ხელმოწერის ნიმუშს, მოწმობის გამცემი ორგანოს დასახელებას, გაცემისა და მოქმედების ვადებს, ფიზიკური პირის ავთენტიფიკაციის სერტიფიკატსა და დახურულ გასაღებს, კვალიფიციურ ელექტრონულ ხელმოწერას შესაბამისი სერტიფიკატით, მოწმობის წვდომის კოდს (CAN – Card Access Number) და QR კოდს, რომლის მეშვეობითაც შესაძლებელია დოკუმენტის ან პირის სტატუსის (მაგალითად, დევნილი, სტუდენტი და სხვ.) გადამოწმება.

მიუხედავად გადავადებისა, ახალი პირადობის მოწმობის საფასური უცვლელი რჩება. 66 ლარი, რაც მოიცავს ფოტოსურათისა და საბანკო მომსახურების ღირებულებასაც.

რაც შეეხება ძველი დიზაინის მოწმობებს, ისინი ბარათზე მითითებული ვადის ამოწურვამდე ძალაში დარჩება.

ავტორი: ექსპრესნიუსი,

სოციალური ქსელები

ტრამპმა თანაშემწეებს განუცხადა, რომ მზად იყო ირანთან ომი ბირთვული შეთანხმების გარეშე დაესრულებინა

პენტაგონმა მოითხოვა, რომ ამერიკულმა სამხედრო-სამრეწველო კომპლექსმა დააჩქაროს იარაღის წარმოება

აშშ-მ თურქეთს უკრაინისთვის 12 HIMARS-ის 2500 ჭურვით და 70 ATACMS-ის კასეტური საბრძოლო მასალის მიყიდვის ნებართვა მისცა

გიგაზე თავდასხმამდე კონსულტაცია გაიარა... - რა დეტალებს ასაჯაროებს მოკლული მასწავლებლის დედა