2025-10-10 20:08:24, 1421 ნახვა

---

ათონელის სასახლესთან იყო მხოლოდ იმ მიზნით, რომ თუ ვინმეს დასჭირდებოდა, პირველადი დახმარება გაეწია, რაც გააკეთა" - ჩახუნაშვილის ადვოკატი

გიორგი ჩახუნაშვილის ადვოკატის, გიორგი გელხაურის ცნობით, დაკავებული ექიმი ათონელის სასახლესთან იმ მიზნოთ იმყოფებოდა, რომ თუ ვინმეს დასჭირდებოდა, მათთვის პირველადი დახმარება გაეწია, რაც გააკეთა. 

ადვოკატის განცხადებით, გიორგი ჩახუნაშვილი ამბობს, რომ ის საქართველოს ევროკავშირში ხედავს და "იდგება იმ აქციაზე, რომელიც იქნება პროევროპული". 

ამასთან უფლებადამცველი აღნიშნავს, რომ ვერ ხედავენ ვერანაირ საფუძველს, რომ დაკავებული ექიმის წინააღმდეგ აღკვეთის ღონისძიება გამოიყენონ, ამიტომ "აღკვეთის ღონისძიების გარეშე დატოვებას" მოითხოვენ. 

რაც შეეხება გიორგის პოზიციას, ის არ აღიარებს და არ ეთანხმება წარდგენილ ბრალდებას. ჩვენ მას გადავეცით საზოგადოების პასუხი და განწყობები, რაც გამოიწვია მისმა დაკავებამ. მადლობას უხდის საზოგადოების წევრს, ვინც დიდი ყურადღება გამოიჩინა მის მიმართ.

ცოტა ხნის წინ გავიგეთ პროკურატურის პოზიცია საპატიმრო გირაოზე, მოგეხსენებათ, რომ არანაირი საფუძველი არ არსებობს, რომ მას შეეფარდოს პატიმრობა. მის მიერ ძალისმიერი ქმედების განხორციელება არ მომხდარა. ის ათონელის სასახლესთან იყო მხოლოდ იმ მიზნით, რომ თუ ვინმეს დასჭირდებოდა, პირველადი დახმარება გაეწია მათთვის, რაც გააკეთა. ის ამბობს, რომ საქართველოს ხედავს ევროკავშირში, იდგება იმ აქციაზე, რომელიც იქნება პროევროპული, მიზანი იქნება ის, რომ საქართველო არის ევროკავშირის ოჯახის წევრი, ეს იყო მისი იქ გამოსვლის მიზანი. ის ადასტურებს, რომ აქციაზე იმყოფებოდა.

რაც შეეხება ჩვენს პოზიციას, ვერ ვხედავთ ვერცერთ საფუძველს რომ მიღწეული იყოს აღკვეთის ღონისძიების მიზნები, რომ შეეფარდოს გირაო. მოვითხოვთ აღკვეთის ღონისძიების გარეშე დატოვებას," - განაცხადა გიორგი გელხაურმა. (Ipn.ge)

აკადემიკოსი გიორგი ჩახუნაშვილი გუშინ დააკავეს. მანამდე ექიმის სახლში კრიმპოლის წარმომადგენლები მივიდნენ და სახლის ჩხრეკას აწარმოებდნენ.  

დღეს, პროკურატურაში გამართულ ბრიფინგზე განაცხადეს, რომ პროკურატურამ სასამართლოს საპატიმრო გირაოს გამოყენებით მიმართა.

ასევე, დღეს, 20:00 საათზე რუსთაველის გამზირზე თეთრხალათიანების აქცია დაანონსდა. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი