თბილისის მერის კახა კალაძის განცხადებით, იმ უბედურმა შემთხვევებმა, რომელიც მისი მერობის პერიოდში დედაქალაქში მოხდა, ის, როგორც ადამიანი, გაანადგურა.

ამის შესახებ კალაძემ "რუსთავი 2"-ის პირდაპირ ეთერში განაცხადა, სადაც დედაქალაქში პროექტების განხორციელების დროს უსაფრთხოების ნორმების დაცვის მნიშვნელობაზე ისაუბრა.

"ხომ წარმოგიდგენიათ, რამდენ პროექტს ვახორციელებთ წლის განმავლობაში? 8 წლის განმავლობაში მათი რიცხვი კიდევ უფრო მასშტაბურია. იმ სამწუხარო, უბედურმა შემთხვევებმა, რაც თბილისში მოხდა, პირადად მე დამანგრია, გამანადგურა, როგორც ადამიანი. ყოველთვის ყველაზე მთავარი, რაზეც განსაკუთრებულად ვსაუბრობთ, სანამ სამუშაოები დაიწყება, ეს არის უსაფრთხოება. ადამიანები ვართ, ყველას მოსდის შეცდომა, იმ კომპანიებსაც შეიძლება შეცდომა მოუვიდეს, რომლებიც მუშაობენ, მაგრამ გულწრფელად გეუბნებით, ძირითადი ყურადღება ეთმობა უსაფრთხოების ნორმების მაქსიმალურად გათვალისწინებას", - განაცხადა კახა კალაძემ.

ავტორი: ექსპრესნიუსი,

სოციალური ქსელები

პუტინი: რუსეთი მზად იყო უკრაინასთან მოლაპარაკებები არჩევნების შემდეგ განაახლოს

CBS News: აშშ კუბასთან ომს გეგმავს

უცხოური ტერორისტული ორგანიზაციების მატერიალური მხარდაჭერის ბრალდებით, აშშ-ში უზბეკეთის მოქალაქის ექსტრადიცია განხორციელდა

მაკა ბოჭორიშვილის შეხვედრა ბელარუსის საგარეო საქმეთა მინისტრთან მაქსიმ რიჟენკოვთან