„4 ოქტომბერს საქართველოში უცხოელი ჟურნალისტები ჩამოდიან, რაც ბუნებრივია, რადგან ღონისძიებების მიმართ ინტერესი არსებობს, თუმცა "ქართული ოცნების" მთავრობა მათ ქვეყანაში არ უშვებს. - ამის შესახებ Oc-media-ს დამფუძნებელი მარიამ ნიკურაძე იტყობინება.

"ორი დღის წინ შვეიცარიელ ჟურნალისტს ქვეყანაში შესვლაზე უარი უთხრეს. მის ვინაობას ვერ გავამხელ, რადგან ის კვლავ იმედოვნებს, რომ შემდეგ ჯერზე როგორმე ქვეყანაში შემოვა, თუმცა ჯერჯერობით ჟურნალისტების არც ერთი მცდელობა წარმატებული არ ყოფილა.

ის საზღვარზე რვა საათის განმავლობაში იმყოფებოდა, უთხრეს, რომ 10 000 ლარად (~3 676 აშშ დოლარი) ჯარიმა უნდა გადაეხადა და ტელეფონი რამდენიმე საათით ჩამოართვეს, სანამ უარით არ დააბრუნებდნენ.

დღეს საზღვარზე კიდევ ერთი ჟურნალისტი, ევროკავშირის მოქალაქე, ექვსი საათის განმავლობაში დააკავეს. უსაფრთხოების მიზნით, მის ვინაობას ვერ გავამხელ. საბოლოოდ, მას ქვეყანაში შესვლის უფლება მისცეს, მაგრამ შესვლამდე 5 000 ლარად (~1 838 აშშ დოლარი) ჯარიმა გადაუხადეს.

ორივემ ადრე საპროტესტო აქციები გააშუქა. ბოლო დროს ათობით მსგავსი შემთხვევა გვქონდა.“ - აცხადებს ნიკურაძე.

ივანიშვილის მთავრობის საგარეო საქმეთა სამინისტრო საკითხზე განმართებებს არ აკეთებს. 

ავტორი: ექსპრესნიუსი,

სოციალური ქსელები

16 მაისიდან N304 მარშრუტზე 18-მეტრიანი ავტობუსები იმოძრავებენ

ასტრახანის მახლობლად, „გაზპრომის“ ქარხანას დრონებით თავდასხმის დროს ცეცხლი გაუჩნდა

საფრანგეთის საელჩო - საფრანგეთი წარმატებებს უსურვებს ახალ პატრიარქს სულიერი მისიის შესრულებაში საქართველოს ერთიანობის სამსახურში

მოსკოვის საპატრიარქოს მილოცვა - ჩვენ დიდად ვაფასებთ იმ ფაქტს, რომ თქვენი ცხოვრების ნაწილი დაკავშირებულია მოსკოვთან