მუსლიმთა ასოციაციის ხელმძღვანელი, ასად მაჯები, ბრიუსელში მომხდარ ტერაქტებთან დაკავშირებით, აცხადებს რომ ასოციაცია მხარს უჭერს და თანადგომას უცხადებს ბელგიის ხელისუფლებას.

მისივე თქმით, ვინც ტერაქტებთან რაიმე კავშირშია, აუცილებად ყველა უნდა იყოს დაკავებული.

„არ უნდა დაგვავიწყდეს, რომ აქ მცხოვრები მუსლიმები მშვიდობისმოყვარე ხალხია. ისეთი ადამიანები, რომლებიც ასეთ დანაშაულს ჩადიან, მხოლოდ უმცირესობას წარმოადგენენ. ისინი არ აწყობენ ტერაქტებს ისლამის დასაცავად. ისლამი კატეგორიულად კრძალავს მკვლელობის ჩადენას.

ერთი უდანაშაულო ადამიანის მოკვლა იმას ნიშნავს, რომ მთელი კაცობრიობა ამოხოცო. ეს ტერორისტებმა არ იციან და გამოდის, რომ არც ყურანი აქვთ წაკითხული. ჩვენ მუსლიმები, ქრისტიანები და იუდეველები ერთად უნდა შევეწინააღმდეგოთ ტერორიზმს. არ უნდა მივცეთ ტერორისტებს ჩვენი დაყოფის უფლება. ისინი სწორედ ამის გაკეთებას ცდილობენ, რომ შემდეგ მიზანს ადვილად მიაღწიონ“, - განაცხადა ასად მაჯებიმ.

შეგახსენებთ, რომ ბრიუსელში მომხდარ ტერაქტების სერიას 34 ადამიანის სიცოცხლე ემსხვერპლა, 250 ადამიანი კი დაშავდა. ტერაქტში ეჭვმიტანილი 3 პირიდან 2 გარდაცვლილია, 1 კი დააკავეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება