2025-09-24 12:02:14, 2221 ნახვა
საზოგადოება
თბილისში ერეკლე მეორის ძეგლი გაიხსნა
ისნის რაიონში, კახეთის გზატკეცილზე მდებარე ე.წ. სამგორის პარკში, თბილისის მერიისა და კულტურის სამინისტროს ერთობლივი ძალიხსმევით, ერეკლე მეორის ძეგლი განთავსდა.
მონუმენტი თბილისის მერმა კახა კალაძემ ირაკლი კობახიძესთან, შალვა პაპუაშვილთან და თინათინ რუხაძესთან ერთად გახსნა.
ნამუშევარი მოქანდაკეების ჯგუფმა ცნობილი მოქანდაკის, მერაბ მერაბიშვილის ესკიზის მიხედვით შექმნა. მონუმენტი, რომელიც ე.წ. სამგორის პარკში ერეკლე II-ის ღვაწლის უკვდავსაყოფად განთავსდა, სივრცეს დამატებით კულტურულ-ისტორიულ მნიშვნელობას ანიჭებს.
ღონისძიებას მოქანდაკეები, არქიტექტორები და სხვა ხელოვანები ესწრებოდნენ.
ავტორი: ექსპრესნიუსი,
epn.ge (@expressnews.ge)
