საერთაშორისო გამოცემა Global Finance-მა 2025 წლის „მსოფლიოს საუკეთესო ციფრული ბანკების“ დაჯილდოებაზე საქართველოს ბანკი სამომხმარებლო მიმართულებით როგორც ქვეყნის, ასევე ცენტრალური და აღმოსავლეთ ევროპის მასშტაბით ყველაზე ინოვაციურ ციფრულ ბანკად დაასახელა.

ჯილდო ინოვაციურობის მიმართულებით მოიცავს ბანკის შესაძლებლობას, შექმნას და დანერგოს ისეთი ახალი ფინანსური პროდუქტები, სერვისები თუ პროცესები, რომლებიც ხელოვნურ ინტელექტს, ღრუბლოვან ტექნოლოგიებსა და თანამედროვე ინოვაციებს მომხმარებლის გამოცდილების და ოპერაციების გაუმჯობესების მიზნით იყენებს.

“ყველაზე ინოვაციური ციფრული ბანკის ჯილდო მნიშვნელოვანი ძალისხმევის  შედეგია. ინოვაციურობა მხოლოდ ახალი ფუნქციონალების დამატებას არ მოიცავს – ეს გულისხმობს ტექნოლოგიების გამოყენებას იმისთვის, რომ მომხმარებელმა შეუფერხებელი, პერსონალიზებული და უსაფრთხო გამოცდილება მიიღოს. ხელოვნური ინტელექტისა და თანამედროვე ტექნოლოგიური სიახლეების ინტეგრაცია შესაძლებლობას გვაძლევს, კიდევ უფრო სწრაფად ვუპასუხოთ ციფრული ეპოქის მზარდ საჭიროებებს. ამ გზაზე კი არ ვჩერდებით და მომხმარებლებს კიდევ არაერთ სიახლეს წარვუდგენთ”, - ამბობენ საქართველოს ბანკში.

აღსანიშნავია, რომ Global Finance საუკეთესო ციფრულ ბანკებს უკვე 26-ე წელია აჯილდოებს. წლევანდელ დაჯილდოებაზე გამარჯვებულები შეირჩნენ Infosys-ის მსოფლიო დონის ექსპერტთა ჟიურის მიერ, საბოლოო სია კი გამოცემის რედაქციამ გამოავლინა. შეფასების პროცესში გათვალისწინებული იყო ისეთი კრიტერიუმები, როგორებიცაა: ინოვაციური სტრატეგიის მასშტაბი, მომხმარებელზე მორგებული გადაწყვეტილებების ხარისხი, ტექნოლოგიური სიახლეების დანერგვის სისწრაფე და ეფექტიანობა.

საქართველოს ბანკმა წელს Global Finance-ის საუკეთესო ციფრული ბანკების დაჯილდოებაზე ჯამში 34 ნომინაციაში გაიმარჯვა, მათ შორის ცენტრალურ და აღმოსავლეთ ევროპაში სამომხმარებლო მიმართულებით საუკეთესო მობილბანკის და საუკეთესო ციფრული ბანკის ჯილდოები მიიღო.

ავტორი: R (რეკლამა),

სოციალური ქსელები

ნაძალადევის გამგეობა: სკვერში მოზარდებმა ატრაქციონი დააზიანეს, დაშავდა 1 მოზარდი

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება მალე დაიწყება

CPJ: მოვუწოდებთ ოცნებას, შეწყვიტოს ფორმულას წინააღმდეგ სისხლის სამართლის საქმის გამოძიება

პროკურატურამ ფორმულას მიმართ აღძრულ საქმეზე გამოკითხვაზე დავით ქაშიაშვილი დაიბარა