თურქული ფეხსაცმლისა და აქსესუარების ქსელმა, FLO-მ აფხაზეთში მაღაზია გახსნა. ინფორმაციას Telegram-არხი D News Abkhazia (DNAbkhazia) ავრცელებს.

“სოხუმის მცხოვრებლებსა და სტუმრებს ახლა უკვე შეუძლიათ, შეიძინონ ფეხსაცმლის ორიგინალური მოდელები ისეთი ცნობილი ბრენდებისგან, როგორიც არის Reebok, Lumberjack, USPA, Inci, Kinetix, Polaris, Dockers, Butigo და Nine West,” - წერს გამოცემა.

DNAbkhazia-ს ცნობით, “სოხუმში FLO-ს პირველი მაღაზიის ასორტიმენტი არა მხოლოდ ფეხსაცმლის მრავალფეროვან, ანუ სპორტულ, ყოველდღიურ, ორთოპედიულ მოდელებს, არამედ სპორტული ტანსაცმლის, წინდების, ჩანთების, ზურგჩანთებისა და აქსესუარების ფართო არჩევანს, მათ შორის, ქამრებს, ქუდებსა და საფულეებს მოიცავს.”

“ყველა პროდუქტზე მაღალი ხარისხი არის გარანტირებული და შეთავაზებულია ხელმისაწვდომ ფასებში. FLO ორიენტირებულია სტილსა და კომფორტზე და მომხმარებელს როგორც თურქულ, ასევე, ევროპული ბრენდებისა და საკუთარი წარმოების პროდუქციას სთავაზობს,” - წერს გამოცემა.

სოხუმში მაღაზიის მისამართად ეშბას ქ. #166, „სუხუმ-მარკეტის“ პირველი სართული არის მითითებული. მაღაზიას Instagram-ზე თავის გვერდიც აქვს, სახელწოდებით @flo.abh.

ცნობისათვის, თურქეთის უმსხვილესი, ფეხსაცმლის საცალო მწარმოებელი FLO საქართველოში რამდენიმე ფილიალს ფლობს, მათ შორის 4-ს თბილისში: "თბილისი ცენტრალის", "ისთ ფოინთის", "გლდანი მოლის" და "თბილისი მოლის" სავაჭრო ცენტრებში.

ავტორი: ექსპრესნიუსი,

სოციალური ქსელები

ლევან მახაშვილი -ბრიუსელის ბიუროკრატია დინების წინააღმდეგ ცურავს

თორნიკე ფაღავა: საქართველოს აქვს თავისი დამოუკიდებელი, მშვიდობიანი, სუვერენული, ევროინტეგრაციის გზა და სტრატეგიული ხედვა

ლაშა ფარულავა – საპროცესო შეთანხმება არის ერთადერთი გზა, ჩვენმა თანამებრძოლებმა პოლიტიკურ ტყვეობას დააღწიონ თავი, ამიტომ არაფერი დასაძრახი არ არის

გიგა ფარულავა – ციხეში რჩებიან მოქალაქეები, რომლებიც ლიდერებმა 4 ოქტომბერს შეცდომაში შეიყვანეს, კეთილი ინებონ და აუხსნან, როგორ აპირებენ მათ დახმარებას