რუსთაველის გამზირზე დაკავებული ქალები წინასწარი დაკავების იზოლატორში შესახლებისას სრულად გააშიშვლეს. ამის შესახებ ადვოკატი ლაშა ტყეშელაძე საუბრობს, რომელმაც დაკავებულების ნაწილი მოინახულა.

ინტერესების დამცველი ამბობს, რომ პოლიცია აღნიშნულ მანკიერ პრაქტიკას ისევ იყენებს. მისივე თქმით, ქალების ნაწილი მძიმე ფსიქოლოგიურ მდგომარეობაშია.

მოვინახულე რამდენიმე ადამიანი ზაჰესის იზოლატორში. მათი ფსიქოლოგიური მდგომარეობა, პირველ რიგში, ზოგიერთის, იყო მძიმე, რადგან დაკავების დროს მათზე იძალადეს ფიზიკურად, ანუ ძალმომრეობით დააკავეს. იზოლატორში მანკიერ პრაქტიკას ისევ აგრძელებენ. ამ ადმაიანებს შეუძლიათ, როდესაც იზოლატორში შეიყვანენ, ისე შეამოწმონ, მაგრამ აშიშვლებენ ქალბატონებს. ეს მანკიერი პრაქტიკა რა ვეღარ დაამთავრეს? მნიშნელოვანია ის გარემობები, რომ დაცვის უფლება აქაც შეეზღუდათ. საქართველოს ისტორიას არ ახსოვს, ამდენი ქალი ერთ დღეში დაეკავებინოთ, ამდენ ქალზე ეძალადათ. ახალგაზრდა გოგონები არიან იზოლატორში, მოძალადე პოლიციელები კი ისევ აგრძელებენ სამსახურეობრივ მოვალეობის შესრულებას, - ამბობს ლაშა ტყეშელაძე. 

შეგახსენებთ, რომ გუშინ რუსთაველზე გამართულ აქციაზე პოლიციამ ძალის გამოყენებით დააკავა 30-ზე მეტი მონაწილე. მათ ბრალად ედებათ გზის გადაკეტვა და სამართალდამცავებისადმი დაუმორჩილებლობა.

ავტორი: ექსპრესნიუსი,

სოციალური ქსელები

Wall Street Journal-ის ცნობით, ირანმა ბალისტიკური რაკეტების წარმოება განაახლა

2026 წლის პირველ ნახევარში საქართველოში 10 ათასი ქორწინება და 6 ათასი განქორწინება აღირიცხა

2026 წლის პირველ ნახევარში საქართველოში 17 509 ბავშვი დაიბადა, 22 224 ადამიანი გარდაიცვალა

რვა თვის განმავლობაში რუსულმა ნედლმა ნავთობმა საქართველოში ნედლი ნავთობის იმპორტის 100%, შეადგინა