გლდანის რაიონის გამგებელმა ბესიკ ქარცივაძემ და საკრებულოს მაჟორიტარმა დეპუტატმა ქეთევან ჯოხაძემ, მუხიანის დასახლებაში დასრულებული და მიმდინარე ინფრასტრუქტურული სამუშაოები დაათავლიერეს.

როგორც „ექსპრესნიუსს“ თბილისის მერიიდან აცნობეს, მუხიანის  II მ/რ-ის  მე-12  და IV მ/რ-ის 39-ე კორპუსების მიმდებარე ტერიტორიაზე სპორტული მოედნების  რეაბილიტაცია განხორციელდა, სამუშაოების ფარგლებში, ძველი მავთულბადეები შეიცვალა ახლით,  დაიგო ხელოვნური მწვანე საფარი, დამონტაჟდა კალათბურთის ფარი და ფეხბურთის კარი. 

მათივე ინფორმაციით, ასევე,  რეაბილიტაცია ჩაუტარდა IV მ/რ-ის მე-17 კორპუსის მიმდებარე ტერიტორიის შიდა კვარტალურ გზას.
დუმბაძის გამზირზე, მე-5 და მე-11 კორპუსების მიმდებარედ 3 551 კვ/მ.   ტერიტორიაზე დაიგო  ასფალტის ახალი საფარი, მოეწყო ბორდიურები, გაკეთდა კიბეები და პანდუსები. სადარბაზოებთან მისასვლელ მოედნებზე დაიგო დეკორატიული ბეტონის ფილები.

გლდანის გამგებელი  და რაიონის დეპუტატი სხვა მიმდინარე  სამუშაოებთან ერთად, ლაგურაშვილის ქუჩასა და IV-ა მ/რ N8 კორპუსის მიმდებარე ტერიტორიაზე სკვერების მოწყობის სამუშაო პროცესსაც დაესწრნენ, ადგილობრივ მოსახლეობას შევხდენენ და მათ სამომავლოდ დაგეგმილი ინფრასტრუქტურული პროექტები გააცნეს.

ბესიკ ქარცივაძის განცხადებით, უახლოეს მომავალში მუხიანში დაიწყება ორმოული სამუშაოები, მოეწყობა რამდენიმე ათეული ეზო და სკვერი.  ასევე,  გაკეთდება ახალი სპორტული მოედნები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება