საქართველოს პროკურატურის წარმომადგენლები ტელეკომპანია „მთავარი არხის“ შენობაში შევიდნენ, სადაც ისინი არხის მენეჯმენტსა და იურისტებს ხვდებიან. ინფორმაციას „მთავარი არხის“ ჟურნალისტი ნათია გოგსაძე ადასტურებს, თუმცა მას დეტალები არ აქვს.

16 ივლისს, „მთავარი არხის“ ვებსაიტმა გამოაქვეყნა ინფორმაცია პროკურატურის მიერ არხისა და მისი გაყიდვების კონტრაქტორის ფინანსური მდგომარეობის შესასწავლად დაწყებული გამოძიების შესახებ.

ამ ინფორმაციის თანახმად, პროკურატურამ გამოძიება არხის ერთ-ერთი დამფუძნებლის, ზაზა ოქუაშვილის მიერ დანიშნული დირექტორის, გოგი ქურდაძის საჩივრის საფუძველზე დაიწყო და არხის ფინანსებთან დაკავშირებული ყველა დოკუმენტაციის ჩამორთმევა მოითხოვა.

გოგი ქურდაძე თანადამფუძნებლებსა და მენეჯმენტს ფინანსურ დარღვევებში ადანაშაულებს.

პროკურატურის პრესსამსახურის მიერ იმ დროს გავრცელებული ინფორმაციის თანახმად, გამოძიება დაიწყო საწარმოში მენეჯერული უფლებამოსილების ბოროტად გამოყენების, იურიდიული პირის კუთვნილი სახსრების მითვისებისა და გაფლანგვის, ასევე წინასწარი შეთქმულებით პირთა ჯგუფის მიერ უკანონო შემოსავლის ლეგალიზაციის ფაქტებზე.

შეგახსენებთ, რომ „მთავარი არხი“ მაუწყებლობას 2025 წლის 1 მაისს - გახსნიდან 5 წლისა და 8 თვის შემდეგ წყვეტს.

ავტორი: ექსპრესნიუსი,

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო