ჩინეთი ფარულად, ფარული კომპანიების მეშვეობით, რუსეთში სახელმწიფო საკუთრებაში არსებულ დრონების მწარმოებელს ძრავებს „სამრეწველო მაცივრების“ ეტიკეტით ამარაგებს, რათა აღმოჩენის შემთხვევაში დასავლეთის სანქციები თავიდან აიცილოს. ამის შესახებ ინფორმაციას Reuters ევროპელი უსაფრთხოების სამი წარმომადგენლის ინფორმაციაზე და დოკუმენტებზე დაყრდნობით ავრცელებს.

მათი თქმით, ამ მიწოდებებმა რუსულ იარაღის მწარმოებელ IEMZ Kupol-ს საშუალება მისცა, გაეზარდა Garpiya-A1 თავდასხმის დრონების წარმოება, მიუხედავად აშშ-სა და ევროკავშირის მიერ ოქტომბერში დაწესებული სანქციებისა, რომლებიც კომპანიის მიწოდების ჯაჭვს არღვევდა.

კერძოდ, Kupol-ის შიდა დოკუმენტი აჩვენებს, რომ კომპანიამ რუსეთის თავდაცვის სამინისტროსთან ხელი მოაწერა კონტრაქტს, რომელიც წელს 6000-ზე მეტ Garpiya-ს წარმოებას ითვალისწინებს, რაც 2024 წელს 2000 ერთეულზე მეტია. დოკუმენტში ნათქვამია, რომ აპრილისთვის 1500-ზე მეტი დრონი იქნა მიწოდებული.

„შორ მანძილზე მოქმედი დრონები გამოიყენება უკრაინის ტერიტორიის სიღრმეში სამოქალაქო და სამხედრო ობიექტებზე თავდასხმისთვის, რუსეთი კი თვეში დაახლოებით 500 ასეთ დრონს იყენებს“, - ნათქვამია უკრაინის სამხედრო დაზვერვის სააგენტოს განცხადებაში „როიტერისთვის“.

ამავდროულად, „როიტერისთვის“ გავრცელებულ განცხადებაში ჩინეთის საგარეო საქმეთა სამინისტრომ განაცხადა, რომ მას არ ჰქონდა ინფორმაცია „გარპიას“ ნაწილების ექსპორტის შესახებ და ორმაგი დანიშნულების საქონლის საზღვარგარეთ გაყიდვას საკუთარი კანონმდებლობისა და საერთაშორისო ვალდებულებების შესაბამისად აკონტროლებდა.

„ჩინეთი ყოველთვის ეწინააღმდეგებოდა ცალმხრივ სანქციებს, რომლებსაც არანაირი საფუძველი არ აქვთ საერთაშორისო სამართალში და არ არის სანქცირებული გაეროს უშიშროების საბჭოს მიერ“, - ნათქვამია განცხადებაში.

ავტორი: ექსპრესნიუსი,

სოციალური ქსელები

პოლიციამ მკვლელობის მომზადებისა და ე.წ ქურდული სამყაროს წევრობის ბრალდებით 3 პირი დააკავა, ხოლო ე.წ კანონიერ ქურდს ბრალი დაუსწრებლად წარედგინება

თიბისი ბათუმში ბრიტანული დღეების პარტნიორია

თეონა აქუბარდია - გაეროში კობახიძის გამოსვლა აჩვენებს, რომ საგარეო-პოლიტიკურ ენაში ევროინტეგრაცია და ოკუპაციის დასრულების დღის წესრიგი უკანა პლანზე გადადის

სუს-მა ტერორისტულ ორგანიზაცია ისლამურ სახელმწიფოში გაერთიანებისა და ტერორისტულ საქმიანობაში დახმარების ფაქტზე საქართველოს ორი მოქალაქე დააკავა