თავდაცვის სისტემები, რომელთა მიყიდვაც დონალდ ტრამპმა კიევს დაჰპირდა, საკმარისი არ არის რუსეთის მიერ უკრაინის განადგურებისკენ მიმართული აგრესიული კამპანიის შესაჩერებლად. უკრაინის შეიარაღებული ძალების მთავარსარდალმა, ალექსანდრ სირსკიმ, „ვაშინგტონ პოსტთან“ ინტერვიუში განაცხადა,

მისი თქმით,  საჭიროა შორი რადიუსის შეტევითი იარაღი, რომელსაც შეუძლია რუსეთის წარმოების ობიექტებზე, რაკეტებისა და დრონების მიწოდების მარშრუტებზე თავდასხმა.

რუსული არმია „პრაქტიკულად ყველაფერს ბომბავს - აეროდრომებს, დასახლებულ პუნქტებს, ინფრასტრუქტურულ ობიექტებს“, - თქვა სირსკიმ და დასძინა: „ამიტომ, რა თქმა უნდა, ჩვენ გვჭირდება ბალისტიკური რაკეტების მარაგი, რათა მტერს ღირსეული წინააღმდეგობა გავუწიოთ“. მან მოუწოდა შეერთებულ შტატებს და ევროპის ქვეყნებს, უკრაინას მიაწოდონ მეტი საშუალო და შორი რადიუსის რაკეტა, მათ შორის ამერიკული ATACMS და გერმანული Taurus, ბაიდენის ადმინისტრაციის მიერ დაწესებული რადიუსის შეზღუდვების გარეშე. სირსკის თქმით, ეს კიევს საშუალებას მისცემს, რაკეტებისა და დრონების წარმოებაზე დამიზნებით, რუსული იარაღის წარმოებას ძირი გამოუთხაროს.

სირსკის თქმით, ტრამპის მიერ დაპირებული საჰაერო თავდაცვის სისტემების ახალი მარაგი, მათ შორის „პატრიოტის“ ტიპის საზენიტო სარაკეტო სისტემების, დრონების გამანადგურებლებისა და დრონების ჩამოსაშლელად განკუთვნილი მსუბუქი თვითმფრინავების, დაბომბვებთან ბრძოლაში დაეხმარება. ბოლო თვეების განმავლობაში, რუსეთის არმია თითქმის ყოველ ღამე უკრაინის ქალაქებში ასობით თავდასხმის დრონს და ერთიდან რამდენიმე ათეულამდე რაკეტას აგზავნის. თუმცა, ეს აგრესიის წინააღმდეგ საბრძოლველად საკმარისი არ არის, ირწმუნება სირსკი: „ნებისმიერი სარაკეტო იარაღის არსებობა თავისთავად შემაკავებელი ფაქტორია. იმედი მაქვს, რომ პრეზიდენტ ტრამპის პოზიციის წყალობით, ეს პროცესი გაცილებით მარტივი იქნება და ჩვენ არ შეგვექმნება ის სირთულეები, რაც ადრე გვქონდა“.

გასულ კვირას ტრამპმა პირობა დადო, რომ ორგანიზებას გაუწევდა „პეტრიოტების“ და სხვა საჰაერო თავდაცვის სისტემების მიწოდებას. ძირითადი სქემა შემდეგია: ევროპული ქვეყნები კიევს მათ ხელთ არსებული სისტემებით მიაწვდიან და სანაცვლოდ აშშ-სგან ახალ სისტემებს შეიძენენ.

ორშაბათს, Bloomberg-მა მოლაპარაკებების მიმდინარეობის შესახებ ინფორმირებულ წყაროებზე დაყრდნობით განაცხადა, რომ გერმანია და შეერთებული შტატები უკვე ახლოს არიან ასეთი შეთანხმების დადებასთან. ბერლინი კიევში საკუთარ „პატრიოტის“ ორ ბატარეას გაგზავნის, ვაშინგტონი კი მათ წარმოების მარაგებიდან მოპოვებული მარაგებით ჩაანაცვლებს. გერმანიის თავდაცვის მინისტრმა ბორის პისტორიუსმა ასევე განაცხადა, რომ ბერლინი ყველაფერს გააკეთებს, რათა უკრაინას „რაც შეიძლება მალე“ მიაწოდოს ხუთი „პატრიოტის“ სისტემა.

რაც შეეხება შეტევით იარაღს, პისტორიუსმა ივლისში განაცხადა, რომ გერმანია უკრაინას Taurus-ის რაკეტებს არ მისცემს.

ამასობაში, სირსკის თქმით, ბაიდენის ადმინისტრაციის მიერ რუსეთის ტერიტორიაზე ATACMS-ის სარაკეტო დარტყმების განხორციელების დიდი ხნის დაგვიანებულმა ნებართვამ გასულ შემოდგომაზე ხარკოვის რეგიონში ვითარების შეცვლა შესაძლებელი გახადა:

"ჩვენ ყველამ დიდი ძალისხმევა გავწიეთ, მათ შორის საჯარო გამოსვლების დროს, რათა აგვეხსნა და დაგვემტკიცებინა რუსეთის ფედერაციის ტერიტორიაზე ამ ტიპის შორი მოქმედების იარაღის გამოყენების აუცილებლობა." - აცხადებს სირსკი.

ავტორი: ექსპრესნიუსი,

სოციალური ქსელები

თურქეთის საგარეო საქმეთა სამინისტრომ რუსული დარტყმის შედეგად თურქული კომპანიის გემის დაზიანებას უპასუხა

პარლამენტის წინ კობახიძის პუტინთან ფორუმში მონაწილეობის წინააღმდეგ საპროტესტო აქცია მიმდინარეობს

ფრანკფურტის აეროპორტში ერთ-ერთ მგზავრს 11 000-ზე მეტი დაუმუშავებელი ბრილიანტი ჩამოართვეს

დედაქალაქში მთავარი ნაძვის ხე და საახალწლო ილუმინაციები აინთო