უვიზო რეჟიმის ამოქმედების შემდეგ, ევროკავშირიდან საქართველოში გადმორიცხული თანხები იზრდება. მიმდინარე წლის 6 თვეში ევროკავშირიდან გზავნილების სახით 764 მლნ დოლარზე მეტი შემოვიდა. 2017 წლის მარტიდან, როცა საქართველოს მოქალაქეებს ევროკავშირის ქვეყნებში უვიზოდ მიმოსვლის შესაძლებლობა მიეცათ, ფულადი გზავნილები იზრდება, თუ 2017 წელს ფულადი გზავნილების სახით დაახლოებით 414 მლნ დოლარი შემოვიდა, შარშან გზავნილების მოცულობამ 1.4 მილიარდ დოლარს გადააჭარბა. ასევე გაიზარდა ევროკავშირის წილი ფულად გზავნილებში. ასე მაგალითად, თუ 2017 წელს ჯამურად გზავნილებში ევროკავშირის წილი 30% იყო, შარშან ეს მაჩვენებელი 43%-მდე გაიზარდა.

ევროკავშირიდან შემოსული ფულადი გზავნილები:

2017 წელი - 414.1 მლნ დოლარი;
2018 წელი - 534 მლნ დოლარი;
2019 წელი - 647.1 მლნ დოლარი;
2020 წელი - 763.5 მლნ დოლარი;
2021 წელი - 955.6 მლნ დოლარი;
2022 წელი - 1.1 მლრდ დოლარი;
2023 წელი - 1.3 მლრდ დოლარი;
2024 წელი - 1.4 მლრდ დოლარი;
საქართველოსთვის უვიზო რეჟიმის გაუქმების საკითხი 15 ივლისიდან გააქტიურდა, მას შემდეგ რაც ცნობილი გახდა, რომ ევროკომისიამ ქართულ მხარეს გამოუგზავნა წერილი, სადაც ხაზგასმულია, რომ უვიზო რეჟიმი, რაც საქართველოს ევროკავშირთან აქვს პრივილეგიაა და ის შეიძლება შეჩერდეს, თუ აგვისტოს ბოლომდე ვიზალიბერალიზაციის 2024 წლის დეკემბრის ანგარიშში გაწერილი პირობები არ შესრულდება.

მანამდე ბრიუსელში სანქციების საკითხი კიდევ ერთხელ განიხილეს, ევროკომისიის ბოლო შეთავაზება ორ ქართველი მოსამართლისთვის აქტივების გაყინვა და ევროკავშირში შესვლის აკრძალვა იყო. თუმცა უნგრეთმა და სლოვაკეთმა შეხვედრამდე თქვეს, რომ სანქციებს მხარს არ დაუჭერდნენ. 2017 წლის 28 მარტიდან საქართველოს მოქალაქეებს შენგენის ზონის ქვეყნებში უვიზოდ მოგზაურობის უფლება აქვთ.

ავტორი: ექსპრესნიუსი,

სოციალური ქსელები

მოსკოვის სასამართლომ კენედების ოჯახის წევრს დაუსწრებლად პატიმრობა მიუსაჯა

კოლუმბიის პრეზიდენტი - მიწისძვრის შემდეგ 265 ადამიანი დაიღუპა და 3 494 დაშავდა, უგზო-უკვლოდ დაკარგულად ითვლება 496

ნარკოდანაშაულის ბრალდებით 135 პირი დააკავეს, მათ შორის ნარკორეალიზაციაში სხვადასხვა ფორმით ჩართული 55 პირია

ივანიშვილის წარმომადგენელი იონათამიშვილი აფხაზეთში ბენზინის მიწოდებაზე კითხვების გამო ოპოზიციის აკრძალვას ითხოვს