უკრაინის სამხედრო ძალები გერმანიის დაფინანსებით წარმოებული, რუსეთის ტერიტორიის სიღრმეში სამხედრო სამიზნეების მისაღწევად შესაძლებლობის მქონე შორი მოქმედების რაკეტების პირველ პარტიას მიიღებენ. პირველი მიწოდება ამ თვის ბოლოსთვის არის მოსალოდნელი, განაცხადა ბუნდესვერის გენერალ-მაიორმა კრისტიან ფროიდინგმა ZDF-თან ინტერვიუში.

უკრაინის შეიარაღებული ძალები რაკეტებით აღიჭურვება გერმანიის მიერ უკრაინულ სამხედრო ინდუსტრიის კომპანიებსა და უკრაინის თავდაცვის სამინისტროს შორის ინიცირებული შეთანხმების ფარგლებში. ის კიევში 11 ივლისს გაფორმდა. გერმანიის მთავრობამ ასევე აიღო წარმოების დაფინანსება, აღნიშნა ფროიდინგმა, გერმანიის თავდაცვის სამინისტროს უკრაინის სიტუაციური ცენტრის ხელმძღვანელმა, რომელიც კოორდინაციას უწევს უკრაინის შეიარაღებული ძალებისთვის სამხედრო დახმარებას.

პირველი მიწოდების შემდეგ, „საუბარი იქნება უკრაინის მიერ წარმოებული რაკეტების დიდ, სამნიშნა რაოდენობაზე“. ეს „მნიშვნელოვნად გააძლიერებს ქვეყნის შესაძლებლობებს მომდევნო კვირებსა და თვეებში“, - ხაზგასმით აღნიშნა გენერალმა. „ჩვენ გვჭირდება შეიარაღების სისტემები, რომლებსაც შეუძლიათ რუსეთის ტერიტორიაზე ღრმად შეღწევა და საწყობებზე, სამეთაურო პუნქტებზე, აეროდრომებსა და თვითმფრინავებზე თავდასხმა“, - დასძინა მან.

არ არის დაკონკრეტებული, რა ტიპის რაკეტებს აწარმოებენ უკრაინული საწარმოები. თუმცა, Bild-ის ცნობით, ამ იარაღის მოქმედების რადიუსი 2,5 ათასი კმ იქნება, რაც მათ საშუალებას მისცემს, მიაღწიონ მოსკოვს, სანქტ-პეტერბურგს, ასევე არქტიკული წრის მიღმა არსებულ სამხედრო ობიექტებს.

მაისის ბოლოს, გერმანიის კანცლერმა ფრიდრიხ მერცმა ბერლინში პრეზიდენტ ვოლოდიმირ ზელენსკისთან ერთად გამართულ პრესკონფერენციაზე განაცხადა, რომ ორი ქვეყანა შეთანხმდა შორი მოქმედების რაკეტების ერთობლივად წარმოებაზე. შეთანხმება გერმანიის დაფინანსებით უკრაინის ტერიტორიაზე წარმოების დაწყებას ითვალისწინებს. მერცმა იმ დროს აღნიშნა, რომ ამ რაკეტებს დიაპაზონის შეზღუდვა არ ექნებათ. როგორც Politico იტყობინება, პროექტი ბერლინის 5 მილიარდი ევროს ოდენობის სამხედრო დახმარების პაკეტით დაფინანსდება.

ავტორი: ექსპრესნიუსი,

სოციალური ქსელები

პოლიციამ მკვლელობის მომზადებისა და ე.წ ქურდული სამყაროს წევრობის ბრალდებით 3 პირი დააკავა, ხოლო ე.წ კანონიერ ქურდს ბრალი დაუსწრებლად წარედგინება

თიბისი ბათუმში ბრიტანული დღეების პარტნიორია

თეონა აქუბარდია - გაეროში კობახიძის გამოსვლა აჩვენებს, რომ საგარეო-პოლიტიკურ ენაში ევროინტეგრაცია და ოკუპაციის დასრულების დღის წესრიგი უკანა პლანზე გადადის

სუს-მა ტერორისტულ ორგანიზაცია ისლამურ სახელმწიფოში გაერთიანებისა და ტერორისტულ საქმიანობაში დახმარების ფაქტზე საქართველოს ორი მოქალაქე დააკავა