ამერიკულმა საინვესტიციო კომპანია BlackRock-მა, რომელიც აქტივების მოცულობით აშშ-სა და მსოფლიოში უდიდესია, უკრაინის აღდგენის ფონდისთვის ინვესტორების ძებნა შეწყვიტა. ამის შესახებ ინფორმაციას Bloomberg ინფორმირებულ წყაროებზე დაყრდნობით ავრცელებს. შეჩერების მიზეზად აშშ-ის პრეზიდენტ დონალდ ტრამპის უკრაინის საკითხთან დაკავშირებით პოზიციის ირგვლივ არსებული გაურკვევლობა სახელდება.

ფონდის წარდგენა უკრაინის აღდგენისადმი მიძღვნილ კონფერენციაზე იგეგმებოდა, რომელიც 10-11 ივლისს იტალიის პრემიერ-მინისტრ ჯორჯო მელონისა და უკრაინის პრეზიდენტის, ვოლოდიმირ ზელენსკის მონაწილეობით გაიმართება. „ბლუმბერგის“ წყაროების ცნობით, ინიციატივა გერმანიის, იტალიისა და პოლონეთის მთავრობებთან დაკავშირებული სტრუქტურების საწყისი მხარდაჭერის მიღებასთან ახლოს იყო. თუმცა, როგორც სააგენტო წერს, იანვარში, როდესაც ტრამპი თეთრ სახლში დაბრუნდა, BlackRock-მა გადაწყვიტა დროებით შეეწყვიტა მოლაპარაკებები ინსტიტუციონალურ ინვესტორებთან, მომავალში უკრაინის მხარდაჭერის პერსპექტივებთან დაკავშირებული გაზრდილი გაურკვევლობის გამო.

„ბლუმბერგის“ ცნობით, საფრანგეთი ამჟამად ალტერნატიულ გეგმას ამუშავებს, რომელიც BlackRock-ის შეჩერებული ინიციატივის ჩასანაცვლებლად ახალ ფონდს შექმნის. თუმცა, ამ გეგმის ეფექტურობა აშშ-ის მონაწილეობის გარეშე საეჭვო რჩება.

BlackRock-ის წარმომადგენელმა განაცხადა, რომ კომპანიამ უკრაინის პროექტზე უსასყიდლო საკონსულტაციო სამუშაოები 2024 წელს დაასრულა და ამჟამად უკრაინის მთავრობის მიმართ „აქტიური ვალდებულებები“ არ აქვს. სააგენტოს წყარომ ხაზგასმით აღნიშნა, რომ „ერთადერთი დისკუსია, რომელიც გავლენას ახდენს BlackRock-ის მიერ მიღებულ გადაწყვეტილებებზე, არის კომპანიის კლიენტებთან საუბრები“.

მანამდე, მოლაპარაკებებში მონაწილე BlackRock-ის თავმჯდომარის მოადგილემ, ფილიპ ჰილდებრანდმა, განაცხადა ფონდში მთავრობების, საერთაშორისო განვითარების ბანკებისა და სხვა საჯარო დონორებისგან მინიმუმ 500 მილიონი დოლარის, ასევე კერძო ინვესტორებისგან დაახლოებით 2 მილიარდი დოლარის მოზიდვის განზრახვის შესახებ. მისი თქმით, ინვესტორების ერთ კონსორციუმში გაერთიანება შესაძლებელს გახდის, უკრაინის აღდგენისკენ მინიმუმ 15 მილიარდი დოლარის მიმართვა აქციებისა და ვალების სახით.

მსოფლიო ბანკის შეფასებით, რუსეთის შეჭრის შემდეგ უკრაინის აღდგენის საერთო საჭიროებები 500 მილიარდ ევროს აჭარბებს. ამავდროულად, მხოლოდ პორტის ინფრასტრუქტურის აღდგენას მინიმუმ 1 მილიარდი ევრო სჭირდება.

ავტორი: ექსპრესნიუსი,

სოციალური ქსელები

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს

BOG-ის მობილბანკის მორიგი განახლება - ახალი შესაძლებლობები მომხმარებლებისთვის

რუსთაველზე ამობრუნებულ თვითმცლელში ბავშვი იმყოფებოდა - მიმდინარეობს მოკვლევა