"ძლიერი საქართველოს" გადაწყვეტილებას თვითმმართველობის არჩევნებში მონაწილეობის შესახებ "ნაციონალური მოძრაობის" ლიდერმა თინა ბოკუჩავამ "ქართულ ოცნებასთან" ალიანსი და თანამშრომლობა უწოდა.

შეფასებები გააკეთეს სხვა პოლიტიკურმა ძალებმაც.

სამწუხაროდ, ლელომ აირჩია თანამშრომლობის გზა და იმ შემოთავაზებას, რომელიც ჩვენი მხრიდან არაერთგზის გაკეთდა ერთიანობაზე, ერთიანობის შემოთავაზების პასუხად, ფაქტიურად დამარცხებულ ბრძოლაში შესვლა. ჩვენ არ ვაპირებთ თანამშრომლობას, ჩვენ აუცილებლად, პრინციპულობით და თანმიმდევრულობით დავამარცხებთ ბიძინა ივანიშვილს და მის რეჟიმს", - აცხადებს კოალიცია "ცვლილებისთვის" წევრი თენგო თევზაძე "

სუსტები არიან თუ მოღალატეები ისტორიამ განსაჯოს, ჩვენ საქმეს მივხედოთ! და საქმე ბევრია და აუცილებლად მივხედავთ!"- წერს ელენე ხოშტარია სოციალურ ქსელში.  „ძალიან სამწუხაროა. უკიდურესად. „ლელომ“ ბრძოლისა და წინააღმდეგობის ნაცვლად, რეჟიმთან კომპრომისი და თანამშრომლობა აირჩია.

ყველაფერს უნდა დაერქვას თავის სახელი - ეს არის საერთო ბრძოლის ღალატი; არა ბრძოლა ქვეყნის გადარჩენისთვის, არამედ რეჟიმთან გარიგება საპატიო მეორე ადგილისთვის", - განაცხადა "ნაციონალური მოძრაობის" თავმჯდომარემ, თინა ბოკუჩავამ. 

 

როგორც პარტია ფედერალისტების ერთ-ერთმა ლიდერმა, თამარ ჩერგოლეიშვილმა დაწერა, "არაღიარების კამპანიის ფარგლებში მათი სამიზნე იქნება არა მხოლოდ რეჟიმი, არამედ მისი კოლაბორანტებიც".

"ფედერალისტების სახელით გიცხადებთ, რომ არაღიარების კამპანიის ფარგლებში ჩვენი სამიზნე იქნება არა მხოლოდ რეჟიმი, არამედ მისი კოლაბორანტებიც.

ჩვენს ამომრჩეველს ინტელექტუალურ შეურაცხყოფას ვერ მივაყენებთ.

რაც არასწორია - ის სამიზნეა!" - წერს ჩერგოლეიშვილი. 

ძლიერი საქართველოს გადაწყვეტილებას არ ეთანხმება პარტია თავისუფლების მოედანიც, რომელმაც კოალიცია რამდენიმე თვის წინ დატოვა. 

"არ ვეთანხმებით "ძლიერი საქართველოს" გადაწყვეტილებას "არჩევნებში" მონაწილეობის შესახებ. ეს მათი არჩევანი კი არის, მაგრამ ყველა დანარჩენის პოლიტიკური რისკია.

ამის მიუხედავად, არ ვაპირებთ მომავალი თვეები შიდაოპოზიციური ბრძოლის ველად ქცევას დავუთმოთ - ჩვენი მთავარი სამიზნე რუსული პარტიის "ქართული ოცნებაა."

"თავისუფლების მოედანი" ფოკუსირებული ვიქნებით აქტიური ბოიკოტის და ალტერნატიული, დემოკრატიული და ინკლუზიური პოლიტიკური პროცესის ორგანიზებაზე და ჩვენს რესურსებს სწორედ ამისაკენ მივმართავთ" - წერია პარტიის განცხადებაში. 

ლელო-ძლიერი საქართველო" თვითმმართველობის არჩევნებში მიიღებს მონაწილეობას - ამის შესახებ განცხადება პარტიის ოფისში გამართულ საგანგებო ბრიფინგზე, კოალიციის ერთ-ერთმა ლიდერმა, ირაკლი კუპრაძემ გააკეთა. 

როგორც პარტიის გენერალურმა მდივანმა განაცხადა, შედიან ბრძოლაში „რუსული რეჟიმის წინააღმდეგ კიდევ ერთ მთავარ ველზე“.

"დე-ფაქტო ხელისუფლებასთან დე-ეფაქტო არჩევნებში ბრძოლა გამოგვიცხადებია" - თქვა ირაკლი კუპრაძემ. 

ავტორი: ექსპრესნიუსი,

სოციალური ქსელები

ნიუ-იორკის სასამართლომ ქართველ ნაცისტს ყასაბის სახელით ცნობილ იხეილ ჩხიკვიშვილს 15 წლით თავისუფლების აღკვეთა მიუსაჯა

მარკეტა გრეგოროვა: „იმედმა“ და სხვა პროსამთავრობო არხებმა ევროპარლამენტის წესები დაარღვიეს

ტროტუარზე დგომის საბაბით ბუკა პეტრიაშვილს 3-დღიანი პატიმრობა შეუფარდეს

საქართველოს ბანკისა და UN Women-ის მხარდაჭერით, „ბაზარი ორბელიანზე“ მეწარმე ქალების პროდუქციის გამოფენა-გაყიდვა გაიმართება