პოლიტიკური მანტია ვერ იქნება ინდულგენცია ნებისმიერი პირისთვის, რომ მის მიმართ არ იყოს კონკრეტული სამართლებრივი პროცესი ბოლომდე განხორციელებული, - ამის შესახებ პარლამენტის საპროცედურო საკითხთა და წესების კომიტეტის თავმჯდომარემ, დავით მათიკაშვილმა ჟურნალისტებთან დაკავებულ პოლიტიკოსებზე საუბრისას განაცხადა.

მისი თქმით, „დანაშაულის ჩამდენი ყველა პირის მიმართ სისხლის სამართლის სრულიად ადეკვატური კანონმდებლობა არსებობს“.

ამასთან, მათიკაშვილმა ისაუბრა ამ მოცემულობის ფონზე ოპოზიციის მხრიდან თვითმმართველობის არჩევნებში მონაწილეობის საკითხზე და აღნიშნა, რომ ეს საკითხი სრულიად დამოკიდებულია „აგენტურული ოპოზიციის იმ პატრონებზე, ვინც მათ კონკრეტულ დავალებას აძლევს“.

„[თვითმმართველობის არჩევნებში] მონაწილეობას მიიღებს ამ რადიკალების ის კატეგორია, დღეს რომ დიდის ამბით ვითომ პრინციპულები არიან და ამბობენ, რომ არ მივიღებთ მონაწილეობასო - როცა ეტყვიან, რომ მონაწილეობა მიიღეთო, მიიღებენ. როცა ეტყვიან, რომ თავი შეიკავეთო, არ მიიღებენ მონაწილეობას - გააჩნია რა გეგმა ექნებათ მათ პატრონებს საქართველოსთან მიმართებით. მთავარი აქ ის არ არის, რას ფიქრობენ ისინი ან ეს ერთი მუჭა რადიკალები რა ინიციატივით გამოდიან არჩევნებთან მიმართებით. მთავარი არის ქართველი ხალხი, რომელიც საარჩევნო ურნასთან იღებს გადაწყვეტილებას და უკვე მერამდენედ, მათ შორის ახლაც - თვითმმართველობის არჩევნებზე, კიდევ ერთი განაჩენი ელოდებათ ქართველი ხალხისგან“, - განაცხადა მათიკაშვილმა.

ავტორი: ექსპრესნიუსი,

სოციალური ქსელები

ევროპაში დივერსიული თავდასხმების სერიის შემდეგ, ევროკავშირი განიხილავს GRU-ს (ГРУ) ტერორისტული ორგანიზაციების სიაში დამატებას.

თიბისი ტექსკოლა - ტექნოლოგიური განათლება უფასოდ ყველა უფროსკლასელისთვის

საქართველოს ბანკის მხარდაჭერით, სტუდია „GARNAMATAC”-მა ახალი საბავშვო ანიმაციური სერიალი - „მარგო და კირა“ შექმნა

საია - ჩორჩანაში საგუშაგოს განთავსება არ შეიძლება ავტომატურად შეფასდეს ოკუპანტი ძალის პროვოცირებად, იგი ემსახურებოდა მცოცავი ოკუპაციის შეკავებას