თბილისის მერი, დავით ნარმანია, ეკონომიკის მინისტრ დიმიტრი ქუმსიშვილთან და საქართველოს ტურიზმის ეროვნული ადმინისტრაციის ხელმძღვანელთან, გიორგი ჩოგოვაძესთან ერთად, სასტუმრო „სითიავენიუს“ გახსნის ღონისძიებას დაესწრო.

თბილისის ცენტრში, დავით აღმაშენებლის გამზირზე ახალი, მაღალი კლასის სასტუმრო გაიხსნა.

,,ეს არის ძალიან მნიშვნელოვანი სასტუმრო, სტრატეგიულად კარგ ადგილას მდებარეობს. აღმაშენებლის გამზირზე ძალიან ინტენსიურად მიმდინარეობს ქალაქ თბილისის მერიის მიერ აღდგენითი სამუშაოები და შესაბამისად, ტურისტების ნაკადი აუცილებლად მოიმატებს, სასტუმრო კი იქნება წარმატებული. ეს გახლავთ ქალაქისთვის სერიოზული შენაძენი, არა მხოლოდ ამ ადგილის მოწესრიგების თვალსაზრისით, არამედ ადამიანების დასაქმების და ბიუჯეტში შემოსავლების ზრდის თვალსაზრისით, რომ არაფერი ვთქვათ ინვესტიციებზე და ბევრ მნიშვნელოვან სიახლეზე, რაც როგორც ეკონომიკური, ასევე სოციალური თვალსაზრისით შეემატება ქალაქს’’, - განაცხადა დავით ნარმანიამ.

სასტუმრო „სითიავენიუ“-ში თანამედროვე სტანდარტებით მოწყობილი 37 ოთახია. სასტუმროს აქვს 50 პერსონაზე გათვლილი საკონფერენციო დარბაზი, კაფე-ბარი, ტერასა და პარკინგი.

პროექტი თურქული ინვესტიციით  განხორციელდა, რომლის ღირებულებაც 12 000 000 ლარია.

სასტუმრო „სითიავენიუში“ 20 ადამიანი დასაქმდება.

გახსნის ღონისძიებას დიპლომატიური კორპუსის წარმომადგენლები, ასევე, ქართველი და უცხოელი ბიზნესმენები ესწრებოდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება