პროკურატურამ პარტია "თავისუფალი დემოკრატების"  გენერალური მდივანი ალექსი პეტრიაშვილი დაზარალებულად ცნო.

ამის შესახებ "ექსპრესნიუსს" პეტრიაშვილის ადვოკატმა ლევან სამუშიამ განუცხადა.

მისივე თქმით, ელოდება, რომ  საქმის მასალები უახლოეს მომავალში გადმოეცემა.

"გუშინ პროკურატურამ ცნო დაზარალებულად ბატონი ალექსი პეტრიაშვილი  გუშინწინდელი ჩვენი მოთხოვნის შემდეგ. ამ ეტაპზე ველოდებით საქმის მასალების უახლოეს მომავალში  გადმოცემას,  რის შემდეგადაც უფრო დეტალურად შეგვეძლება  საუბარი საქმის  მიმდინარეობაზე და თუ რაიმე  სახის შუამდგომლობა გვექნება ამ შემთხვევაში პროკურატურის წინაშე, ან რამე,  შემდეგ გახდება ცნობილი, როდესაც  საქმის მასალებს გავეცნობით", - განაცხადა ლევან სამუშიამ.

შეგახსენებთ, "თავისუფალი დემოკრატების" გენერალურ მდივანს ალექსი პეტრიაშვილს 26 თებერვალს, საბურთალოს პანთეონის ძმათა სასაფლაოს ტერიტორიაზე, უცნობმა პირებმა ფიზიკური შეურაცხყოფა მიაყენეს და ცეცხლსასროლი იარაღიდან გასროლით ორივე ქვედა კიდური დაუზიანეს.  პეტრიაშვილს ორი ოპერაცია ჩაუტარდა. იგი ამ დრომდე რესპუბლიკურ საავდმყოფოში იმყოფება.

გამოძიება საქართველოს სისხლის სამართლის კოდექსის 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაჭავარიანი – „ენჯეოებმა“ სააკაშვილისგან იგრძნეს ბულინგი, წნეხს ვერ გაუძლეს და შეიყვანეს სიაში

მიხეილ სააკაშვილი – „საერთაშორისო გამჭვირვალობამ“ მაღიარა პოლიტიკურ პატიმრად, დიდი მადლობა, სჯობს გვიან, ვიდრე არასდროს

გერმანიაში დაზიანებული სადენების გამო, დიდ ქალაქებს შორის რკინიგზის მოძრაობა შეფერხდა

საქართველოს ეროვნულ ნაკრებს რამაზ სვანაძე უხელმძღვანელებს